The news is by your side.

Advertisement

فضل الرحمان کشمیرکاز سے توجہ ہٹانے کیلئے لانگ مارچ کررہے ہیں: میاں اسلم

ساہیوال: وزیراطلاعات پنجاب میاں اسلم اقبال کا کہنا ہے کہ فضل الرحمان کشمیر میں جاری بھارتی جارحیت اور آزادی تحریک سے توجہ ہٹانے کے لیے لانگ مارچ کررہے ہیں۔

ان خیالات کا اظہار وزیراطلاعات پنجاب نے اے آر وائی نیوز سے خصوصی گفتگو کرتے ہوئے کیا، ان کا کہنا تھا کہ فضل الرحمان کشمیرکاز سے توجہ ہٹانے کیلئے لانگ مارچ کررہے ہیں۔

انہوں نے کہا کہ فضل الرحمان کو کشمیر کمیٹی سے علیحدگی کا دکھ ہے، مسلم لیگ ن اور پیپلزپارٹی احتجاج سے دور ہوتے دکھائی دے رہے ہیں۔

ذرائع کے مطابق مسلم لیگ ن کی مرکزی قیادت مولانا فضل الرحمان کے آزادی مارچ میں شرکت کی حامی نہیں جبکہ جونیئر قیادت نے مارچ میں شرکت کی تجویز دی ہے۔

ذرائع کا کہنا ہے کہ ن لیگ کی مرکزی قیادت نے مولانا فضل الرحمن کے مارچ میں شرکت کو پارٹی کے لیے نقصان دہ قرار دیا اور اتفاق ہوا کہ نوازشریف کے سامنے تجاویز اور خدشات رکھی جائیں آخری فیصلہ وہی کریں گے۔

مولانا فضل الرحمان کو ملک کی نہیں حلوے کی فکر ہوتی ہے، فردوس عاشق اعوان

یاد رہے 3 اکتوبر کو سابق وزیراعظم نواز شریف نے شہبازشریف سے ملاقات میں آزادی مارچ میں پیپلزپارٹی کو ساتھ ملانے کی ہدایت کی تھی اور واضح کیا تھا کہ جب تک پیپلزپارٹی ساتھ نہ ہوں، مارچ میں تاخیر کی جائے، اپوزیشن کا اتفاق ہو جائے، تو شہبازشریف خود مارچ کی قیادت کریں۔

اس پر شہباز شریف نےجواب میں کہا تھا کہ صحت اس چیز کی اجازت نہیں دیتی، ڈکٹرز نے آرام کا مشورہ دیا ہے. اس پر فیصلہ ہوا کہ احسن اقبال اور دیگر رہنما مارچ میں پارٹی کی قیادت کریں گے۔

Comments

comments

یہ بھی پڑھیں