The news is by your side.

Advertisement

مولانا فضل الرحمان نے نگراں حکومت سے شفاف انتخابات کا مطالبہ کردیا

لاہور: ایم ایم کے سربراہ مولانا فضل الرحمان نے کہا ہے کہ نگراں حکومت شفاف انتخابات کی ذمے داری ہر صورت پوری کرے.

ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ ضروری ہے کہ انتخابات شفاف اورغیرجانب دارانہ ہوں.

مولانا نے مزید کہا کہ انتخابات کا بروقت انعقاد آئین کا تقاضا ہے، اس ضمن میں حکومت اپنی ذمے داری نبھائے.

جمعت علمائے اسلام (ف) کے سربراہ نے کہا کہ ایم ایم اے کے متفقہ امیدواروں کی لسٹ آج جاری کی جارہی ہے، ملک کے تمام حصوں اورعلاقوں کا احاطہ کیا جارہا ہے.

مولانا فضل الرحمان کا مطالبہ کیا کہ سیاسی جماعتیں ضابطہ اخلاق کی پابندی کریں، ایم ایم اے بھی ایسا ہی کرے گی، متفقہ امیدواروں کی فہرست تیارکرلی، جو آج جاری کی جائے گی.

واضح رہے کہ اس بار مذہبی جماعتیں متحدہ مجلس عمل کے پلیٹ فورم سے کتاب کے نشان پر الیکشن لڑ رہی ہیں. اتحاد کے سربراہ مولانا فضل الرحمان ہیں.

جماعت اسلامی بھی اس اتحاد کا حصہ ہے. ایم ایم کی بحالی کے بعد جماعت اسلامی پی ٹی آئی کی کے پی حکومت سے الگ ہوگئی تھی.


فضل الرحمان کو مولانا کہنا مولانا کی توہین سمجھتا ہوں، عمران خان


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں