The news is by your side.

Advertisement

غداری کے مقدمات کو جوتے کی نوک پر رکھتے ہیں، مولانا فضل الرحمان

اسلام آباد: جمعیت علما اسلام (ف) کے سربراہ مولانا فضل الرحمان کا کہنا ہے کہ غداری کا کیس کرنے والے خود غدار ہیں، ہم ایسے مقدمات کو جوتے کی نوک پر رکھتے ہیں۔

اے آر وائی نیوز کی رپورٹ کے مطابق جمعیت علما اسلام (ف) کے سربراہ مولانا فضل الرحمان نے میڈیا سے گفتگو کرتے ہوئے کہا کہ آزاد کشمیر کے وزیراعظم پر مقدمات بنا کر دنیا کو کیا پیغام دینا چاہتے ہیں، ہم آئین کی حدود سے باہر نہیں جارہے تو کوئی ادارہ بھی باہر نہ جائے۔

انہوں نے کہا کہ ہماری پلاننگ میں ہے کہ اسلام آباد جائیں گے، غیرت مند لوگ استعفیٰ دیتے ہیں، عوام کی خوشحالی ہمارا ہدف ہے، حکومت عوام کی توقعات پر پورا نہیں اترسکی، مہنگائی نے غریب عوام کی کمر توڑ دی ہے۔

پی ڈی ایم رہنما نے کہا کہ 16 اکتوبر کو پہلا جلسہ گوجرانوالہ میں ہوگا، حقیقی حکومت کے قیام کے لیے قومی سطح پر سفر کا آغاز کیا جارہا ہے، پی ڈی ایم کی طرف سے پورے ملک میں جلسے، مظاہرے ہوں گے۔

فضل الرحمان نے کہا کہ پہلے ہی دو تین جلسوں سے تبدیلی کے اثرات پیدا ہوجائیں گے، یہ تاثر غلط ہے کہ سیاسی، جمہوری لوگ اداروں کے خلاف بات کررہے ہیں، ہم اداروں کو مضبوط کرنے کی بات کرتے ہیں۔

انہوں نے کہا کہ کوئی ادارہ ملکی سیاست پر اثر انداز ہوتا ہے تو یہ حلف کی مخالفت ہے، شکایتیں سنجیدہ ہیں، ان معاملات پر ٹھنڈے دل سے سوچنا چاہئے۔

Comments

یہ بھی پڑھیں