The news is by your side.

Advertisement

شادیوں پر مہنگے کپڑے فروخت کرنے والے ڈریس ڈیزائنرز کی شامت آگئی

اسلام آباد : شادیوں پر مہنگے کپڑے فروخت کرنے والے ڈریس ڈیزائنرز کی ٹیکس چوری پکڑی گئی، ایف بی آر نے کراچی کے 24 ڈریس ڈیزائنرز کو نوٹس جاری کرتے ہوئے 27فروری تک تفصیلات طلب کرلیں۔

تفصیلات کے مطابق نئے ٹیکس دہندگان کی فہرست میں ایک اور بڑا سیکٹرگرفت میں آگیااور شادیوں پر برائنڈڈ ڈزائنر کپڑے فروخت کرنے پر ٹیکس چوری پکڑی گئی ، ٹیکس چوری پر کراچی میں 24 ڈزائنرز کے نام سامنے آگئے ہیں۔

ایف بی آر کا کہنا ہے کہ ڈریس ڈزائنرز لاکھوں روپے مہنگا ایک شادی کا ڈریس فروخت کرتے ہیں لیکن سالانہ آمدنی بہت کم دیکھاتے ہیں ، ایف بی آر نے تحقیقات کی تو رٹرن میں آمدنی اور اس پر ٹیکس نہ ہونے کا انکشاف ہوا ہے۔

ایف بی آر نے کراچی کے 24 ڈریس ڈیزائنرز کو نوٹس جاری کرتے ہوئے 27فروری تک تفصیلات طلب کرلیں ہیں۔

ایف بی آر نے 24 ڈریس ڈیزائنر کے انکم ٹیکس گوشوارے اور آڈٹ کا فیصلہ کرتے ہوئے کہا ہےکہ ڈریس ڈیزائنرز کی انکم اور ویلتھ اسٹیٹمنٹ کی بھی جانچ ہوگی ، تفصیلات نہ ملنے پر لاکھوں روپے مالیت کے فی ڈریس کے حساب سے ٹیکس عائد کیا جائے گا۔

fb-share-icon0
Tweet 20

Comments

comments

یہ بھی پڑھیں