The news is by your side.

موبائل کال پر 5 منٹ کے بعد 75 پیسے لگایا جانیوالا ٹیکس ختم کرنے کا معاملہ ، صارفین کیلئے اہم خبر

کراچی : فیڈرل بورڈ آف ریونیو (ایف بی آر) نے سندھ ہائیکورٹ کے موبائل کال پر 5 منٹ کے بعد 75 پیسے لگائے جانیوالے ٹیکس کو ختم کرنے کے فیصلے کو سپریم کورٹ میں چیلنج کر دیا۔

تفصیلات کے مطابق فیڈرل بورڈ آف ریونیو (ایف بی آر) نے موبائل کال پر 5 منٹ کے بعد 75 پیسے لگایا جانیوالا ٹیکس واپس لینے کے معاملے کیخلاف سپریم کورٹ میں درخواست دائر کردی۔

درخواست میں استدعا کی گئی ہے کہ سندھ ہائی کورٹ کا 18 اکتوبر کا فیصلہ کالعدم قرار دیا جائے، 5منٹ کی کال کے بعد 75 پیسے ایف ای ڈی قانون کےمطابق ہے۔

،درخواست میں مؤقف اختیار کیا گیا ہے کہ فنانس ایکٹ میں5 منٹ کی کال کےبعد75پیسےٹیکس کی منظوری دی گئی، سندھ ہائیکورٹ کا فیصلہ خلاف قانون اور حقائق کے منافی ہے، پارلیمنٹ سے منظور ہونیوالےبل کوہائیکورٹ غلط قرارنہیں دے سکتی۔

یاد رہے جون 2021 میں وفاقی حکومت نےپانچ منٹ سے زیادہ چلنے والی موبائل فون کالز پر ٹیکس عائد کیا تھا، جس کے بعد مختلف کمپنیوں کی درخواست پر سندھ ہائیکورٹ نے ٹیکس ختم کرنے کا حکم دیا تھا۔

Comments

یہ بھی پڑھیں