The news is by your side.

Advertisement

انکم ٹیکس ریٹرن جمع کرانے کی تاریخ میں توسیع

اسلام آباد / کراچی: فیڈرل بورڈ آف ریونیو (ایف بی آر) نے انکم (آمدن) ٹیکس ریٹرن جمع کرانے کی تاریخ میں پانچویں بار توسیع کردی۔

ایف بی آر کی جانب سے جاری ہونے والے اعلامیے کے مطابق انکم ٹیکس گوشوارےجمع کرانےکی تاریخ میں توسیع کردی گئی جس کے تحت اب انکم ٹیکس گوشوارے16دسمبر2019تک جمع کرائےجاسکتے ہیں۔

اعلامیے کے مطابق اس سے پہلے انکم ٹیکس گوشوارے کی آخری تاریخ 30نومبر2019 مقرر کی گئی تھی۔

اس سے قبل ایف بی آر کی جانب سے ٹیکس ریٹرن جمع کرنے کی آخری تاریخ 2 اگست، 31 اگست، 31 اکتوبر، 30 نومبر مقرر کی تھی البتہ تاریخ میں اب ایک بار پھر توسیع کردی۔

مزید پڑھیں: انکم ٹیکس ریٹرن جمع کرانے کی تاریخ میں ایک بار پھر توسیع

یاد رہے کہ گزشتہ حکومت میں مقررہ تاریخ گزر جانے کے بعد ریٹرن فائل کرنے والے شخص کو اضافی رقم بطور جرمانہ ادا کرنا پڑتی تھی اس کے علاوہ آڈٹ کے مرحلے سے بھی گزرنا پڑتا تھا البتہ تحریک انصاف نے گزشتہ معاشی سال میں بھی ریٹرن جمع کرانے والوں کو سہولت فراہم کی جس کے مثبت اثرات نظر آئے۔

حکومت نے رواں مالی سال 2020-2019 کے لیے 70 کھرب 22 ارب روپے کا بجٹ پیش کیا ۔ جس میں سے ٹیکس وصولی کا ہدف 550 ارب روپے مختص کیا گیا ہے، اس ضمن میں ملکی معیشت کو مضبوط اور مستحکم کرنے کے لیے لوگوں کو ٹیکس نیٹ میں لانے کا فیصلہ کیا جس کے تحت مسلسل مختلف اقدامات بھی کیے جارہے ہیں۔

یہ بھی یاد رہے کہ دو ماہ قبل ایف بی آر کی جانب سے جاری کردہ رپورٹ میں بتایا گیا تھا کہ انکم ٹیکس گوشوارے جمع کروانے والوں کی تعداد میں 69 فی صد اضافہ ہوا جس کے بعد ٹیکس دہندگان کی تعداد 25 لاکھ تک پہنچ گئی۔

رپورٹ میں بتایا گیا تھا کہ گزشتہ سال کے مقابلے میں 13 لاکھ 60 ہزار فائلرز کا اضافہ ریکارڈ کیا گیا، گزشتہ سال انکم ٹیکس فائلرز کی تعداد 15 لاکھ تھی۔ ایف بی آر کے مطابق وہ لوگ غیر منقولہ جائیداد یا 1000 سی سی کی گاڑی رکھنے ہیں وہ بھی انکم ٹیکس آرڈیننس 2001 کے تحت ٹیکس ریٹرن جمع کرائیں گے۔

fb-share-icon0
Tweet 20

Comments

comments

یہ بھی پڑھیں