The news is by your side.

وزیرخزانہ مفتاح اسماعیل عمران حکومت کے ٹیکس کلیکشن اقدامات کے معترف

وزیرخزانہ مفتاح اسماعیل نے عمران خان حکومت کے ٹیکس کلیکشن اقدامات کی تعریف کی ہے۔

ٹوئٹر پر جاری بیان میں مفتاح اسماعیل نے کہا کہ ایف بی آرنےاب تک 51کھرب روپےسےزائدٹیکس جمع کر لیا ہے ایف بی آرٹیم قوم کی توقعات سےبڑھ کرکارکردگی دکھارہی ہے۔

وزیرخزانہ نے لکھا کہ رواں سال اپریل تک جمع محصولات کی شرح میں 28.7فیصداضافہ ہوا گزشتہ مالی سال اپریل تک 39.8ارب روپےٹیکس جمع ہواتھا۔

ان کا کہنا تھا کہ رواں مالی سال اپریل تک 264 ارب روپے ریفنڈ کیےگئے ٹیکس کلیکشن میں اضافےکی بڑی وجہ بڑھتی درآمدات ہیں۔

وزیرخزانہ مفتاح اسماعیل کےٹوئٹ پرسابق وزیرخزانہ شوکت ترین نے ردعمل دیتے ہوئے کہا ہے کہ مفتاح بھائی! ایف بی آر نے اچھا کام کیا تو چیئرمین کو نہ ہٹاتے۔

واضح رہے کہ شہبازحکومت نےآتے ہی عمران حکومت کے لگائے چیئرمین ایف بی آر کو ہٹادیا تھا۔

Comments

یہ بھی پڑھیں