ایف بی آر نے اثاثے چھپانے والوں اور ٹیکس چوروں کے خلاف ڈنڈا اٹھا لیا -
The news is by your side.

Advertisement

ایف بی آر نے اثاثے چھپانے والوں اور ٹیکس چوروں کے خلاف ڈنڈا اٹھا لیا

اسلام آباد : ایف بی آر نے ٹیکس بچانے اور اثاثے چھپانے والے افراد کیخلاف کارروائی کا فیصلہ کرلیا، مذکورہ افراد وکیل کے بجائے خود پیش ہوکر وضاحت دینے کے پابند ہوں گے۔

تفصیلات کے مطابق ٹیکس بچانے اور اثاثے چھپانے والے امیروں کی شامت آگئی، اربوں روپے کے اثاثے اور گاڑیاں رکھنے والے نشانے پر آگئے، ایف بی آر نے ایکشن لینے کا اصولی فیصلہ کرلیا۔

ایف بی آر حکام کی جانب سے ملک بھر کے ریجنل ٹیکس دفاتر کو کارروائی کی ہدایت جاری کر دی گئی ہے، نادہندگان کو وکیل کے بجائے ذاتی حیثیت میں طلب کیا جائے گا، وضاحت نہ دینے پر وارنٹ جاری ہوں گے۔

ان لینڈ ریونیو کے23دفاتر کو نوٹس بھیجنے کا کہہ دیا گیا ہے کہ وہ ہر آر ٹی او فہرست میں شامل ٹاپ بیس افراد کو نوٹس بھجیں گے۔ اس حوالے سے ذرائع کا کہنا ہے کہ سندھ کے سات ان لینڈ دفاتر کی لسٹ میں شامل افراد کے خلاف کارروائی کی جائے گی۔

ایف بی آر کے مطابق تمام افراد کو وکیل کے ذریعے نہیں بلکہ ذاتی حیثیت میں دفتر پیش ہونے کی ہدایت کی جائے گی وضاحت نہ دینے پر ناقابل ضمانت وارنٹ گرفتاری جاری ہوں گے۔

Comments

comments

یہ بھی پڑھیں