ایف بی آر نے ٹیکس سال 2026 کے انکم ٹیکس ریٹرن جمع کرانے کی تاریخ میں توسیع کر دی۔
فیڈرل بورڈ آف ریونیو نے انکم ٹیکس ریٹرن جمع کرانے کی آخری تاریخ 30 ستمبر سے بڑھا کر 15 اکتوبر 2026 کر دی۔
اعلامیہ کے مطابق ریٹرن جمع کرانے کی تاریخ میں توسیع مختلف تجارتی تنظیموں اور ٹیکس بار ایسوسی ایشنز کی درخواست پر کی گئی۔
ملک میں 30 ستمبر تک 58 لاکھ گوشوارے جمع کیے گئے جب کہ فیڈرل بورڈ آف ریونیو ستمبر کا 1321 ارب روپے کا ٹیکس ہدف بھی حاصل کر چکا ہے۔
حکام کا کہنا ہے کہ جولائی سے ستمبر تک 3072 ارب روپے کا ٹیکس جمع ہو سکتا ہے۔
