The news is by your side.

Advertisement

کورونا ویکسین کی تیاری میں استعمال ہونے والی 61 اشیا کی درآمد پر ٹیکس چھوٹ کا نوٹیفکیشن جاری

اسلام آباد : کورونا ویکسین کی تیاری میں استعمال ہونے والی 61 اشیا کی درآمد پر ٹیکس چھوٹ کا نوٹیفکیشن جاری کردیا گیا، ٹیکس استثنیٰ سے طبی سامان کی اسپتالوں کو فوری دستیابی ممکن ہو سکے گی۔

تفصیلات کے مطابق فیڈرل بورڈ آف ریونیو (ایف بی آر ) نے کورونا ویکسین سے متعلق61 اشیادرآمدپرٹیکس چھوٹ کا نوٹی فکیشن جاری کردیا، ذرائع کا کہنا ہے کہ ایف بی آر نے 3دن بعد آج ٹیکس استثنیٰ کا نوٹی فکیشن جاری کیا۔

ذرائع کے مطابق ٹیکس استثنیٰ سے طبی سامان کی اسپتالوں کوفوری دستیابی ممکن ہو سکے گی اور درآمد کنندگان کو ٹیکس میں رعایت 30 جون 2021 تک حاصل ہو گی۔

ایف بی آر کا کہنا ہے کہ 30 جون2021تک کوروناسےمتعلق61 اشیاڈیوٹی فری درآمد ہوں گی ، جس سے کورونا ویکسین تیاری میں پیشرفت میں تیزی آئے گی جبکہ ویکسین کی تیاری کی لاگت بھی کم ہوگی۔

اس سے قبل ذرائع کا کہنا تھا کہ ایف بی آرکی عدم دلچسپی کے باعث کورونا ویکسین سے متعلق61 اشیا کی درآمد شروع نہ ہوسکی ، وزارت تجارت متعلقہ اشیا سے متعلق  اپناایس آراوجاری کرچکی ہے ، ایف بی آرکےرویےکی بنا پر مصنوعات کی درآمد میں تاخیر ہورہی ہے۔

خیال رہے 3 روز قبل وفاقی کابینہ نے کورونا ویکسین سے متعلق 61اشیاکی درآمدکی ڈیوٹی فری اجازت دی تھی جبکہ کورونا سے بچاؤ، اسمگلنگ روک تھام آرڈیننس میں اختیارات کی فراہمی کی منظوری بھی دی۔

Comments

یہ بھی پڑھیں