The news is by your side.

Advertisement

ایف بی آر نے محمد حفیظ کو شوکاز نوٹس جاری کردیا

لاہور: فیڈرل بورڈ آف ریونیو (ایف بی آر) نے قومی کرکٹر محمد حفیظ کو اثاثے چھپانے پر شوکاز نوٹس جاری کردیا۔

تفصیلات کے مطابق قومی کرکٹر محمد حفیظ بھی ایف بی آر کے ریڈار پر آگئے، ایف بی آر نے اثاثے چھپانے پر محمد حفیظ کو شوکاز نوٹس جاری کردیا۔

ذرائع کے مطابق قومی ٹیم کے سابق کپتان محمد حفیظ نے 17 کروڑ روپے مالیت کے اثاثے ظاہر نہیں کیے ہیں۔

ذرائع کا کہنا ہے کہ ایف بی آر نے محمد حفیظ کی تمام بینکوں سے تفصیلات طلب کرلی ہیں، محمد حفیظ کا 2014 سے 2018 تک کا آڈٹ کیا جارہا ہے۔

مزید پڑھیں: نیا ڈومیسٹک اسٹرکچر، محمد حفیظ کی پی سی بی پر شدید تنقید

دوسری جانب کرکٹر محمد حفیظ کا کہنا ہے کہ انہیں ایف بی آر کے نوٹس کا علم نہیں ہے، خبر بے بنیاد ہے۔

واضح رہے کہ کرکٹر محمد حفیظ کا دورہ آسٹریلیا کے قومی ٹیم میں سلیکٹ نہیں کیا گیا تھا، حفیظ نے قومی ٹیم کو مشورہ دیتے ہوئے کہا ہے کہ وہ آسٹریلیا کی آنکھوں میں آنکھیں ڈال کر کھیلے۔

محمد حفیظ کا کہنا تھا کہ موجودہ پاکستانی ٹیم میں ٹیلنٹ ہے اور وہ ٹیم کی کامیابی کے لیے دعاگو ہیں۔

Comments

comments

یہ بھی پڑھیں