The news is by your side.

Advertisement

ایف بی آر نے ریکارڈ ٹیکس گوشوارے وصول کر لیے

اسلام آباد : ایف بی آر نے 15 اکتوبر تک 26 لاکھ انکم ٹیکس گوشوارے وصول کرلئے اور گوشواروں کے ساتھ 48.6 ارب روپے کا ٹیکس حاصل کیا۔

تفصیلات کے مطابق فیڈرل بورڈ آف ریونیو ایف بی آر نے ریکارڈ ٹیکس گوشوارے وصول کر لیے، ترجمان ایف بی آر نے کہا ہے کہ 15 اکتوبر تک 26 لاکھ انکم ٹیکس گوشوارے وصول ہوئے ، گوشواروں کے ساتھ اداشدہ ٹیکس کے 48.6 ارب اکٹھے کئے گئے۔

ترجمان کا کہنا تھا کہ گزشتہ سال 8دسمبرتک 18 لاکھ ٹیکس گوشوارے وصول ہوئے اور گوشواروں کے ساتھ 29.6 ارب کا ٹیکس حاصل ہوا تھا۔

ایف بی آر کے ترجمان نے کہا کہ ٹیکس گوشوارے داخل کرنے میں 45 فیصد اضافہ جبکہ گوشواروں کے ساتھ ٹیکس میں 64 فیصد اضافہ ہوا۔

ترجمان کے مطابق گزشتہ سال 15 اکتوبر تک صرف 5 لاکھ گوشوارے وصول ہوئے اور اس دوران ادا شدہ ٹیکس 9.8 ارب رہا، گزشتہ سال 15اکتوبر کی نسبت گوشواروں اور ٹیکس میں 5گنا اضافہ ہوا۔

ایف بی آر نے کہا گزشتہ ٹیکس سال 30 جون 2021 میں 30لاکھ گوشوارے وصول کیے اور ادا شدہ ٹیکس 54.7 ارب رہا۔

Comments

یہ بھی پڑھیں