The news is by your side.

Advertisement

ایف بی آر کی ٹیکس نادہندگان کے خلاف وصولی مہم میں تیزی آگئی

کراچی: فیڈرل بورڈ آف ریونیو(ایف بی آر) کی ٹیکس نادہندگان کے خلاف وصولی مہم میں تیزی آگئی، شاہین ایئر لائن، شوگر ملز کے بعد قومی ائیر لائن سے بھی بڑی وصولی کرلی۔

تفصیلات کے مطابق ایف بی آر کی جانب سے ٹیکس نادہندگان کے خلاف وصولی مہم شروع کی جاچکی ہے جس کے تحت نادہندگان سے فوری بقایاجات کی ادائیگی کا مطالبہ کیا جارہا ہے جبکہ اب تک بڑی وصولی عمل میں آئی ہے۔

ذرائع ایف بی آر کا کہنا ہے کہ قومی ایئر لائن (پی آئی اے) سے 97 کروڑ روپے وصول کیے جاچکے ہیں، قومی ائیرلائن نے مسافروں سے پیشگی فیڈرل ایکسائز ڈیوٹی لی جبکہ پی آئی اے کو 2 ارب 50 کروڑ روپے ایف ای ڈی کی مد میں ادا کرنے ہیں۔


بیرونِ ملک جائیدادیں اوررقم واپس لانے کے لیے قوانین موجود نہیں: ایف بی آر


ذرائع کے مطابق ایف بی آر نے انٹرنیشنل ائیرٹریفک ایسوسی ایشن کو خط بھی ارسال کیا تھا، قومی ائیر لائن کو ہر 2 ماہ بعد ایاٹا اور ٹریول ایجنسیز سے ادائیگیاں ہوتی ہیں، واجبات کی عدم ادائیگی پر اکاؤنٹ سے براہ راست کٹوتی کی جائے گی۔

ایف بی آر ذرائع کا کہنا تھا کہ دو روز کے دوران ایف بی آر نے 2 ایئرلائنز سے ایک ارب 88 کروڑ وصول کیے ہیں، نادہندگان سے فوری طور پر بقایاجات کی ادائیگی کا مطالبہ کیا جارہا ہے۔


ایف بی آرمیں کرپٹ افسران کی نشاندہی، وزیراعظم کا نوٹس


ذائع کا یہ بھی کہنا تھا کہ ایف بی آر نے سیلز ٹیکس کی عدم ادائیگی پر دریال خان شوگر ملز کے گودام سیل کردیے ہیں، دریال خان شوگر ملز کے گودام میں 27 ہزار ٹن چینی موجود ہے جبکہ بابا فرید شوگر ملز پر بھی سیلز ٹیکس کی مد میں 6 کروڑ 50 لاکھ کے واجبات ہیں۔


Print Friendly, PDF & Email

Comments

comments

یہ بھی پڑھیں