The news is by your side.

Advertisement

ٹانک میں سیکیورٹی فورسز کا آپریشن، 27سالہ کیپٹن شہید ، کالعدم ٹی ٹی پی کاکمانڈر ہلاک

ٹانک : خیبرپختونخوا کے ضلع ٹانک میں سیکیورٹی فورسز کے آپریشن میں 27سالہ کیپٹن سکندر شہید اور کالعدم ٹی ٹی پی کاکمانڈر ہلاک ہوگیا۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ سیکیورٹی فورسز نے خیبرپختونخواہ کے ضلع ٹانک میں دہشت گردوں کی موجودگی کی اطلاع پر آپریشن کیا۔

آئی ایس پی آر کا کہنا ہے کہ آپریشن میں کالعدم ٹی ٹی پی کاکمانڈرخوازہ الدین عرف شیرخان مارا گیا جبکہ فائرنگ کے تبادلےمیں 27سالہ کیپٹن سکندر بھی شہید ہوئے۔

ترجمان کے مطابق آپریشن کے دوران مختلف نوعیت کے ہتھیار اور گولیاں برآمد کرلی گئیں ہیں۔

یاد رہے 2 روز قبل سیکورٹی فورسز کی جنوبی وزیرستان میں خفیہ ‏اطلاعات پر کارروائی کے دوران 10 دہشت گرد مارے گئے تھے۔

مارے جانے والے دہشتگردوں میں 4 سرکردہ لیڈر بھی شامل ہیں، آپریشن کےدوران ہتھیار،بھاری تعدادمیں گولیاں ‏قبضے میں لےلی گئیں۔

آئی ایس پی آر کے مطابق تمام دہشتگرد دیسی ساختہ بارودی سرنگیں بنانے اور ٹارگٹ کلنگ میں ملوث تھے ‏دہشتگرد جنوبی وزیرستان میں بڑی وارداتیں کرنے کی منصوبہ بندی کررہےتھے۔

Comments

یہ بھی پڑھیں