The news is by your side.

Advertisement

بلوچستان ایف سی کی بڑی کارروائی، بڑی تعداد میں گولہ بارود برآمد

دالبدین: ایف سی بلوچستان نے کارروائی کرکے بھاری تعداد میں اسلحہ اور بارود برآمد کرکے قبضے میں لے لیا۔

ترجمان ایف سی کے مطابق بلوچستان کے علاقے دالبدین میں خفیہ اطلاع پر کارروائی کرتے ہوئے شرپسندوں کے خلاف آپریشن شروع کیا گیا۔

دوران آپریشن زیر زمین بڑی تعداد میں چھپایا گیا اسلحہ اور بارودی مواد برآمد کیاگیا ہے، برآمد کیے گئے اسلحے میں تیرہ بم ، ایس ایم جیز اور دو سو چالیس سے زیادہ گولیاں شامل ہیں۔

مزید پڑھیں : بلوچستان میں امن وامان کی صورتحال بہتر ہورہی ہے: ناصر جنجوعہ

 ایف سی حکام کے مطابق چھپایا گیا اسلحہ سیکورٹی فورسز پر حملوں اور دیگر دہشت گردی کی کارروائیوں میں استعمال کے لئے ذخیرہ کیا گیا تھا، ایف سی نے بروقت کارروائی کرتے ہوئے دہشت گردوں کی امن کے خلاف سازش کو نا کام بنادیا ہے۔

دوسری جانب بلوچستان میں علیحدگی پسند کمانڈرز کی جانب سے ہتھیار ڈالنے اور قومی دھارے میں شامل ہونے کا سلسلہ جاری ہے، کچھ روز قبل بلوچستان کے علاقے خاران میں کالعدم بلوچستان لبریشن آرمی کے اہم کمانڈر احمد نواز نے ہتھیار پھینک کر قومی دھارے میں شامل ہونے کا اعلان کیا ہے۔

قبل ازیں جشن آزادی کے موقع پر سات سو علیحدگی پسند دہشت گردوں نے کوئٹہ پولیس لائن میں منعقدہ تقریب کے دوران ہتھیار پھینک کر قومی دھارے میں شامل ہونے کا اعلان کیا تھا۔

Comments

comments

یہ بھی پڑھیں