آپریشن ردالفساد، 2 دہشت گرد ہلاک، 4 کیمپ تباہ FC Operations
The news is by your side.

Advertisement

آپریشن ردالفساد، 2 دہشت گرد ہلاک، 4 کیمپ تباہ

راولپنڈی: بلوچستان میں ایف سی نے کامیاب کارروائی کرتے ہوئے 2 دہشت گردوں کو ہلاک اور 4 کیمپ تباہ کردئیے۔

آئی ایس پی آر کے مطابق ایف سی بلوچستان کے مختلف علاقوں میں کامیاب کارروائی کرتے ہوئے تربت میں دہشت گردی کا منصوبہ ناکام بنادیا اور دہشت گردوں کے نیٹ ورک تباہ کردیا۔

آپریشن کے دوران 2 دہشت گردوں کو ہلاک اور 4 کیمپ بھی تباہ کردئیے گئے جبکہ 2 دہشت گردوں کو گرفتار کرتے ہوئے ان کے قبضے سے بھاری تعداد میں اسلحہ برآمد کرلیا۔

آئی ایس پی آر کے مطابق یہ برآمد کیا گیا اسلحہ تربت میں دہشت گردی کی کارروائیوں میں استعمال ہونا تھا۔ کارروائیاں بلوچستان کے علاقوں کاہان، ڈیرہ بگٹی اور چھتراج میں کی گئیں۔

یہ بھی پڑھیں: بلوچستان: سیکیورٹی فورسز کی بروقت کارروائی، دہشت گردی کی کوشش ناکام

واضح رہے کہ گزشتہ روز بھی ایف سی بلوچستان نے صوبے کے مختلف علاقوں میں کارروائیاں کرتے ہوئے متعدد افراد کو گرفتار کرکے دہشت گردی کی کارروائیوں کو ناکام بنایا تھا۔

Comments

comments

یہ بھی پڑھیں