کراچی : فلورملز ایسوسی ایشنز نے احتجاجا ملزبند کرنے کااعلان کردیا ، جس سے کراچی میں آٹے کے بحران کا خدشہ ہے۔
کراچی میں آٹے کے بحران کا خدشہ ، گزشتہ روز چھاپوں پررات گئےفلورملز ایسوسی ایشنز نےاحتجاجا ملزبند کرنے کااعلان کردیا، آج ہنگامی جنرل باڈی میٹنگ طلب،مکمل ہڑتال سمیت مزیدفیصلے کیے جائینگے، کراچی میں چاراورضلع بےنظیرآباد میں فلورملزکوجھوٹےالزامات پرسیل کیاگیا،
تفصیلات کے مطابق محکمہ خوراک کے چھاپوں پرفلور ملز ایسوسی ایشن نے کراچی میں تمام فلور ملز کی فوری بندش کا اعلان کر دیا۔
فلور ملز ایسوسی ایشن کا ہنگامی جنرل باڈی اجلاس بھی آج طلب کرلیا گیا ہے جس میں ہڑتال سمیت مزید فیصلے کیے جائیں گے۔
فلور ملز ایسوسی ایشن کا کہنا ہے کہ گندم کوٹے سے متعلق محکمہ خوراک کے گمراہ کن اور جھوٹے وعدوں کے خلاف فلور ملز بند کردی جائیں گی۔
ایسوسی ایشن نے مزید کہا کہ محکمہ خوراک نے گندم کی ناکافی مقدار، ناقص اور کم وزن گندم فراہم کی، محکمہ خوراک کوٹے کے مطابق گندم فراہم نہیں کر رہا اور کم نرخوں پر آٹا فراہم کرنے پر اصرار کر رہا ہے۔
کراچی میں چار اور اندرون سندھ تین فلور ملز کو جھوٹے الزامات پر سیل کیا گیا، فلور ملز مالکان کسی بھی بلیک میلنگ کو برداشت نہیں کریں گے۔
فلور ملز نے فوری گندم کی پسائی اور آٹے کی پیداوار روک دی ہے، کوئی فلور مل اب سرکاری گوداموں سے گندم نہیں اٹھائے گی۔
