ممبئی: متنازع بھارتی شہریت قانون کے خلاف احتجاج کرکٹ کے میدان تک پہنچ گیا۔
تفصیلات کے مطابق بھارت اور آسٹریلیا کے میچ کے دوران اسٹیڈیم میں تماشائیوں نے متنازع شہریت قانون کے خلاف احتجاج ریکارڈ کرایا۔
بھارتی میڈیا رپورٹ کے مطابق سفید ٹی شرٹ پہنے اور پرچم تھامے نوجوانوں نے مودی سرکار کے متنازع قانون کے خلاف نعرے بازی کی۔
ممبئی کے گراؤنڈ میں تماشائیوں نے ٹی شرٹس پر نو سی اے اے، نو این سی آر اور نو این پی آر لکھا تھا، انتظامیہ کی کوششوں کے باوجود مظاہرین بعض نہ آئے اور احتجاج جاری رکھا۔
We, the students of Mumbai are in Wankede stadium #INDvsAUS match for peacefully showing our msg depicting, “No NPR, NO NRC and NO CAA”.
We won’t do anything apart from silently showing our msg which are written on our t-shirts.#IndiaAgainstCAA_NRC_NPR@ReallySwara pic.twitter.com/mfOhierxOQ
— Fahad Ahmad (@FahadTISS) January 14, 2020
واضح رہے کہ مودی حکومت نے بھارت میں متنازع قانون منظور کیا ہے جس کے تحت مسلمانوں کے علاوہ دیگر مذاہب کے تارکین وطن کو شہریت دی جائے گی۔
متنازع شہریت قانون کے خلاف بھارت میں ملک گیر مظاہرے جاری ہیں، بھارتی پولیس اور مظاہرین کے درمیان جھڑپوں میں درجنوں افراد جاں بحق اور زخمی ہوچکے ہیں۔
Some paid Pidis try to Protest Against CAA NRC at Wankhede.
But "Modi-Modi" chanting from 99% Crowd showed their Place.
They were asked to leave the Stadium.
All of them are out of the venue now.#INDvsAUS pic.twitter.com/NzUVELvYZx
— Nisha Jha (@IndiaNisha18) January 14, 2020
یاد رہے کہ چند روز قبل بھارتی وزیر داخلہ امیت شاہ کے ساتھ چلنے والے انتہا پسند ہندوؤں نے متنازع شہریت قانون پر احتجاج کرنے والی خواتین کو گھر بدر کردیا تھا۔
ریلی کے ساتھ آئے شرکا نے خواتین کے گھر کا گھیراؤ کیا، انہیں لغویات بکیں اور پھر گھر سے باہر نکال کر کھڑا کردیا، احتجاج کرنے والوں میں مالک مکان بھی شامل تھا۔
