پاکستانی فلم ’مالک‘پر پورے ملک میں پابندی عائد کردی گئی -
The news is by your side.

Advertisement

پاکستانی فلم ’مالک‘پر پورے ملک میں پابندی عائد کردی گئی

کراچی: کرپشن کے خلاف بننے والی پاکستانی فلم ’مالک‘پر پورے ملک میں پابندی عائد کردی گئی، حکومت نےسینسرسرٹیفکٹ واپس لے لیا تین ہفتے چلنے کے بعد فلم سینماگھروں سےاترگئی۔

دہشتگردی اورکرپشن پربنائی گئی فلم مالک حکمرانوں کوپسند نہیں آئی وزارت اطلاعات نے حکم نامہ جاری کرتے ہوئے اردو فلم ’مالک‘پر ملک بھرمیں پابندی لگادی۔

وزارت اطلاعات نے حکم نامہ جاری کیا جس میں کہا گیا کہ فلم مالک کا سینسرسرٹیفکٹ دیا گیا تھا اب وہ واپس لیا جارہا ہے، سرکاری حکم کے بعد ملک بھرکے سینماگھروں پرمالک کی نمائش روک دی گئی۔

ChDlj6zWYAMDgpO

حکم نامےمیں پابندی کی وجہ نہیں لکھی گئی لیکن فلم کےڈائریکٹرکے مطابق بعض وزرا کو فلم میں حکومت پرتنقید پسند نہیں آئی تھی عاشرعظیم نے یہ بھی بتایا کہ سندھ حکومت کےحکم پرفلم میں جہاں جہاں لفظ وزیراعلٰی آیا تھا وہان بیپ لگادی گئی تھی۔

فلم ڈائریکٹرکا کہنا تھا کہ تین ہفتےفلم چلنےکےبعدانہیں خط لکھ کربتایا گیا کہ فلم پرپابندی لگائی جارہی ہے۔

فلم مالک پرکل سندھ حکومت نے پابندی لگاکراٹھالی تھی لیکن آج وفاقی حکومت نے پابندی لگادی،فلم تین ہفتےسےچل رہی تھی۔

واضح رہے کہ ڈائریکٹر عاشرعظیم کے مطابق فلم مالک کی کہانی سیاست کے گرد گھومتی ہے اس فلم کا ایک ایک سین پاکستان میں شوٹ کیا گیا ہے۔

Comments

comments

یہ بھی پڑھیں