The news is by your side.

Advertisement

وفاقی بجٹ کی تیاریاں شروع، تجاویز طلب

اسلام آباد : نئے مالی سال 2022-23کے بجٹ کی تیاریوں کا سلسلہ شروع کردیا گیا ہے، اس سلسلے میں وزارت خزانہ اور وزارت تجارت نے تجاویز طلب کرلی ہیں۔

ذرائع کا کہنا ہے کہ تمام ڈویژنز، محکموں، اداروں، تاجرتنظیموں اور نجی شعبوں سے بجٹ تجاویز طلب کی گئی ہیں تاکہ ان تجاویز کی روشنی میں بجٹ تیار کیا جائے۔

ذرائع کے مطابق وزارت خزانہ کی جانب سے 15مارچ تک بجٹ تجاویز پیش کرنے کی ہدایت کی گئی ہے جبکہ وزارت تجارت نے 28فروری تک تجاویز پیش کرنے کا کہا ہے۔

مالی سال 2022-23کے وفاقی بجٹ کو مئی کے آخر تک حتمی شکل دے دی جائے گی، بجٹ تجاویز تجارتی پالیسی، ٹیکس ریونیو اور اخراجات کے تخمینے کے مطابق تشکیل دی جائیں۔

ذرائع کے مطابق وزارت خزانہ کا بجٹ جائزہ اجلاس اگلے ماہ مارچ کے آخر میں متوقع ہے جبکہ اپریل کے وسط تک بجٹ اسٹریٹجی پیپر کو حتمی شکل دی جاسکے گی۔

Comments

یہ بھی پڑھیں