اسلام آباد : وفاقی کابینہ نے112ممالک کیساتھ آن لائن ویزہ شروع کرنےکی منظوری دیتے ہوئے انٹرنیشنل ایئر لائن کے لائسنس کی تجدید نو کا فیصلہ مؤخر کردیا۔
وزیراعظم کی زیر صدارت وفاقی کابینہ کا اجلاس ہوا، جس میں ملک کی مجموعی سیاسی، معاشی اور سلامتی کی صورت حال سمیت 9 نکاتی ایجنڈے پر غور کیا گیا۔
اجلاس میں کابینہ نے112ممالک کیساتھ آن لائن ویزہ شروع کرنے اور وزیر اعظم ایجوکیشن ریفارمزپروگرام کےتحت بسزکی آپریشنل پالیسی کی منظوری دے دی۔
وفاقی کابینہ نے انٹرنیشنل ایئرلائن کے لائسنس کی تجدید نوکا فیصلہ اور آثار قدیمہ محفوظ بنانے کیلئے بھارت سے لاک پتھر درآمد کرنے کا معاملہ مؤخر کردیا جبکہ اجلاس میں اقتصادی رابطہ کمیٹی کےگزشتہ اجلاس کے فیصلوں کی توثیق کردی گئی۔
کابینہ اجلاس میں کابینہ کمیٹی برائے سی پیک کے 26 جنوری کے فیصلوں ، کابینہ کمیٹی برائے قانونی مقدمات کے 21 جنوری کے فیصلوں کی بھی توثیق کی گئی اور نیا پاکستان ہاؤسنگ اتھارٹی کے منصوبوں پر بریفنگ بھی دی۔
