The news is by your side.

Advertisement

وفاقی کابینہ کی61 فوڈ اور نان فوڈ آئٹمز لازمی سرٹیفکیشن کی لسٹ میں شامل کرنے کی منظوری

اسلام آباد : وزیر اعظم عمران خان کی زیر صدارت وفاقی کابینہ کے اجلاس میں 61 فوڈ اور نان فوڈ آئٹمز لازمی سرٹیفکیشن کی لسٹ میں شامل کرنے کی منظوری دے دی گئی۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس ہوا، کابینہ میں وزیر داخلہ اعجاز شاہ کے مرحوم بھائی کے ایصال ثواب کیلئے فاتحہ کی گئی جبکہ ملکی تازہ سیاسی صورت حال پر طویل مشاورت ہوئی۔

وزیراعظم نے گندم اور چینی کے معاملات پر بھی بریفنگ لی جبکہ ایم ایل ون ، گندم اور چینی کی امپورٹ پر بھی بات چیت ہوئی۔

وفاقی کابینہ نے 11نکاتی ایجنڈے کی منظوری دے دی، اجلاس میں بغیر کابینہ منظوری کے سرکاری تقرریوں کی رپورٹ پیش کی گئی۔

کابینہ نے مالیاتی پالیسی بورڈزمیں معروف اکانومسٹس کی نامزدگیوں اور بلوچستان میں انسداد دہشت گردی ایکٹ کے تحت ایف سی کی خدمات کی منظوری دے دی۔

وفاقی کابینہ نے چیئرمین پی این ایس سی کی تقرری کی منظوری اور 61 فوڈ،نان فوڈ آئٹمز کو لازمی سرٹیفکیشن کی فہرست سے نکالنے کی بھی منظوری دی۔

ذرائع کے مطابق اجلاس میں لیجسلیٹوکیسز کے 20 ، 19،12 اگست کے کمیٹی کے فیصلوں ، اقتصادی رابطہ کمیٹی کے 12 اگست کے فیصلوں کی بھی توثیق کی گئی۔

وفاقی کابینہ نے تعمیرات کیلئے پبلک پرائیویٹ پارٹنر شپ کے تحت پیپرا رولز میں نرمی کی بھی منظوری دی۔

Comments

یہ بھی پڑھیں