The news is by your side.

Advertisement

وفاقی کابینہ کا اجلاس ، لاک ڈاؤن مزید بڑھانے کی منظوری

اسلام آباد : وزیراعظم عمران خان کی زیرصدارت وفاقی کابینہ کے اجلاس میں  لاک ڈاؤن مزید 2 ہفتے بڑھانے کی منظوری دے دی گئی جبکہ حتمی منظوری قومی رابطہ کمیٹی کی اجلاس میں دی جائے گی۔

تفصیلات کے مطابق وزیراعظم عمران خان کی زیرصدارت وفاقی کابینہ کااجلاس ہوا ،جس میں6 نکاتی ایجنڈےپرغورکیاگیا، اجلاس میں کوروناوائرس کی مجموعی صورتحال کاجائزہ لیا گیا اور ملکی معاشی صورتحال پر بھی بریفنگ دی گئی۔

احساس کیش ٹرانسفر پروگرام سےمتعلق ثانیہ نشتر نے بریفنگ دی جبکہ ای اوبی آئی پنشن میں اضافےکی سمری موخر کردی گئی۔

وفاقی کابینہ نے قومی رابطہ کمیٹی کےفیصلوں اور کابینہ اقتصادی رابطہ کمیٹی کےگزشتہ اجلاسوں کے فیصلوں کی توثیق کردی جبکہ مرغزار چڑیا گھر کا انتظامی  کنٹرول وزارت ماحولیاتی تبدیلی کےسپردکرنےکی منظوری دی گئی۔

وفاقی کابینہ نے احساس ایمرجنسی کیش ٹرانسفرز پرایڈوانس انکم ٹیکس چھوٹ کی منظوری اور کوروناسےبچاؤ،احتیاط سےمتعلق درآمدات پربرانڈکی شرط ختم کرنےکی منظوری دی۔

اجلاس میں لاک ڈاؤن میں توسیع کےحوالےسے2تجاویزپر غور کیا گیا ، تجویز تھی کہ لاک ڈاؤن میں توسیع21اپریل تک یا 28 اپریل تک بڑھایا جائے۔

جس کے بعد وفاقی کابینہ نے لاک ڈاؤن2ہفتےبڑھانےکی منظوری دےدی اور کہا تمام صوبے حالات دیکھ کر لاک ڈاؤن سے متعلق خود فیصلے کریں۔

لاک ڈاؤن بڑھانے نے حتمی منظوری قومی رابطہ کمیٹی اجلاس میں دی جائےگی اور وزیراعظم آج سوا5بجےاین سی سی فیصلوں سے قوم کوآگاہ کریں گے۔

Comments

یہ بھی پڑھیں