The news is by your side.

Advertisement

وفاقی کابینہ کا اجلاس، دہری شہریت والوں کو الیکشن کا حق دینے کے آئینی ترمیمی بل کی منظوری

اسلام آباد : وزیراعظم عمران خان کی زیرصدارت وفاقی کابینہ کے اجلاس دہری شہریت والوں کو الیکشن کا حق دینے کے آئینی ترمیمی بل کی منظوری دے دی گئی۔

تفصیلات کے مطابق وزیراعظم کی زیرصدارت وفاقی کابینہ کااجلاس ہوا ، اجلاس میں ملکی صورتحال سمیت سولہ نکاتی ایجنڈے پر غور کیا گیا اوراسلام آبادگرین بیلٹ پر ماڈل جیل کی تعمیر روک کر گرانے کا فیصلہ کرتے ہوئے کہا گیا ماڈل جیل کی تعمیر غیرقانونی اورماحولیاتی قوائد کی خلاف ورزی تھی جبکہ غیرقانونی تعمیر کرانیوالے ذمہ دارافسران کیخلاف بھی کارروائی کا فیصلہ کیا۔

ذرائع کے مطابق وفاقی کابینہ اجلاس میں دہری شہریت والوں کو الیکشن کا حق دینے کے آئینی ترمیمی بل اور سینیٹ الیکشن خفیہ رائےشماری ختم کرنے کے آئینی ترمیمی بل کی منظوری دی گئی۔

پائلٹس کےمشکوک لائسنس کی منسوخی سےمتعلق وفاقی کابینہ کو بریفنگ بھی دی، ذرائع کا کہنا تھا کہ بورڈ آف انکوائری کی جانب سےلائسنس سےمتعلق تحقیقات جاری ہیں، 193 کپتانوں کے لائیسنس معطل کیےگئے،77 گراؤنڈ ہیں جبکہ 76 کپتانوں کے لائسنس مشتبہ قراردیے گئے، 127کپتانوں میں پی آئی اے کے 52کپتان شامل ہیں۔

کابینہ کی جدید جیل کی تعمیرکیلئےاسلام آبادکےماسٹرپلان میں ترمیم ، پشاور،لاہور،راولپنڈی میں اسپیشل کورٹ کےججزکی تعیناتیوں اور وزارت ٹیلی کمیونی کیشن کی چین کی وزارت انفارمیشن ٹیکنالوجی سے ایم اویو کی منظوری بھی دی۔

کابینہ اجلاس میں انٹیلی جنس بیورو کو پلاٹس کی الاٹمنٹ اورسی ڈی اے، اسلام آبادمیونسپل کارپوریشن کے اختیارات کی تقسیم کا معاملہ موخر کردیا گیا۔

fb-share-icon0
Tweet 20

Comments

comments

یہ بھی پڑھیں