The news is by your side.

Advertisement

لاپتہ افراد کا معاملہ ، وفاقی کابینہ نے کمیٹی تشکیل دے دی

اسلام آباد : وفاقی کابینہ نے لاپتہ افراد کے معاملے پر کمیٹی تشکیل دے دی ، وزیر داخلہ رانا ثنا اللہ، وزیرمواصلات مولانااسعدمحمود کمیٹی میں شامل ہیں۔

تفصیلات کے مطابق لاپتہ افراد کے معاملے پر وفاقی کابینہ نے کمیٹی تشکیل دے دی، وزارت داخلہ نے اس حوالے سے نوٹیفکیشن جاری کردیا ہے۔

نوٹیفکیشن میں کہا گیا ہے کہ کمیٹی چیئرمین وزیرقانون اعظم نذیر تارڑ ہوں گے، وزیر داخلہ رانا ثنا اللہ اور وزیرمواصلات مولانااسعد محمود کمیٹی میں شامل ہیں۔

نوٹیفکیشن کے مطابق شازیہ مری،وزیر دفاعی پیداوار اسرار ترین بھی کمیٹی کے ممبران ہوں گے۔

گذشتہ روز چیف جسٹس اسلام آبادہائیکورٹ نے لاپتہ افراد کیس میں آئینی خلاف ورزیوں پر اٹارنی جنرل کو دلائل کیلئے آخری موقع دیا تھا۔

عدالت نے اپنے ریمارکس میں کہا کہ لاپتہ افراد کو عدالت میں پیش کریں یا ریاست کی ناکامی کا جواز دیں۔

عدالت نے حکومت کومشرف سے لے کر آج تک تمام وزرائے اعظم کو نوٹس جاری کرنے کا حکم دیتے ہوئے کہا کیوں نہ عدالت تمام چیف ایگزیکٹوزپر آئین سے بغاوت پرکارروائی کرے؟ کیوں نہ شہریوں کولاپتہ کرنے کی پالیسی کی خاموش منظوری پر ایکشن لیں؟ کیوں نالاپتہ افرادکیسز پر غداری کا مقدمہ چلے؟

عدالت نے مزید کہا وفاقی حکومت لاپتہ افرادکےلواحقین کی شکایات کاازالہ کرے اور یقینی بنایا جائےپرنٹ اورالیکٹرانک میڈیا پر غیر اعلانیہ سنسرشپ نہ ہو۔

Comments

یہ بھی پڑھیں