اسلام آباد : وزیراعظم عمران خان کی زیرصدارت وفاقی کابینہ کے اجلاس میں وزیراعظم ہاؤس کو کمرشل استعمال کیلئے کھولنے کی منظوری دی جائے گی۔
تفصیلات کے مطابق وزیراعظم عمران خان کی زیرصدارت وفاقی کابینہ کااجلاس آج ہوگا ، جس میں ملکی سیاسی اور کورونا صورتحال کا جائزہ لیا جائے گا اور وفاقی کابینہ 15 نکاتی ایجنڈے پر غورکرے گی۔
اجلاس میں وزیراعظم ہاؤس کو کمرشل استعمال کیلئے کھولنے کی منظوری دی جائے گی ، جس کے بعد وزیراعظم ہاؤس میں افیشن اور ثقافت کی تقریبات ہوسکیں گی۔
کابینہ کورونا سے متعلق درکار61 آئٹمز کی ڈیوٹی چھوٹ میں توسیع اور اسلحہ لائسنس کا اختیار وزارت داخلہ کودینےکی منظوری دےگی جبکہ اسلام آبادمارگلہ روڈ پر قائم تجاوزات ہٹانے کی رپورٹ پیش کی جائے گی۔
اجلاس میں ملزم مجاہد پرویز کو امریکاکےحوالےکرنےکےمعاملے پر غور کیا جائے گا جبکہ آرٹیکل51 کےتحت صوبوں کیلئے نشستوں کا معاملہ کابینہ ایجنڈا میں شامل ہیں۔
وفاقی کابینہ پیسکوکےچیف ایگزیکٹوکی تعیناتی کافیصلہ کرےگی اور پاکستان سنگل ونڈو کمپنی کے چیف ایگزیکٹوکی تعیناتی کی منظوری دے گی جبکہ معاشی اعشاریوں پربریفنگ دی جائے گی۔
ای سی سی کے گزشتہ 2اجلاسو اور قانون سازی کمیٹی کے فیصلوں کی توثیق وفاقی کابینہ کے ایجنڈے میں شامل ہیں۔
