The news is by your side.

Advertisement

وفاقی کابینہ کا اجلاس کل طلب، وزیر اعظم دورہ امریکا سے متعلق کابینہ کو اعتماد میں لیں گے

اسلام آباد : وزیراعظم عمران خان نے وفاقی کابینہ کا اجلاس 25جولائی کو طلب کرلیا، اجلاس میں عمران خان کامیاب دورہ امریکا پرکابینہ کو اعتماد میں لیں گے۔

تفصیلات کے مطابق وزیراعظم عمران خان نے وطن پہنچتے ہی حکومتی امور فوری طور سنبھالنے کا فیصلہ کیا ہے، اس سلسلے میں وفاقی کابینہ کا اجلاس کل بروز جمعرات25 جولائی کو اسلام آباد میں ہوگا.

وزیراعظم عمران خان کابینہ اجلاس کی صدارت کریں گے، جس میں وزیراعظم عمران خان کامیاب دورہ امریکا پر وفاقی کابینہ کو اعتماد میں لیں گے۔

اس کے علاوہ ملک کی موجودہ سیاسی و معاشی صورتحال پر غور کیا جائے گا۔ اس حوالے سے ذرائع کا کہنا ہے کہ اجلاس میں سفارتی محاذ پرکامیابیوں اور امریکا میں اہم ملاقاتوں سے بھی کابینہ کو آگاہ کیا جائے گا۔

واضح رہے کہ وزیراعظم عمران خان اپنا تاریخی دورہ امریکا مکمل کرکے نجی ایئرلائن کے ذریعے وطن روانہ ہوچکے ہیں۔
عمران خان نجی پرواز سے بذریعہ قطر پاکستان پہنچیں گے۔

وطن روانہ ہونے سے قبل وزیراعظم نے امریکا میں پی ٹی آئی رہنماؤں سے خصوصی ملاقاتیں کیں جبکہ کیپٹل ہل میں امریکی کانگریس اراکین سے خطاب کرتے ہوئے عمران خان کا کہنا تھا کہ امریکا اور پاکستان کے مابین تعلقات اعتماد کے ساتھ قائم ہونے چاہئیں جس کی بنیاد سچ ہو۔

مزید پڑھیں: وزیراعظم کا تاریخی دورہ امریکا مکمل، نجی ایئرلائن کے ذریعے وطن روانہ

انہوں نے مزید کہا کہ دونوں ملکوں کو ایک دوسرے پر بھروسہ کرنا چاہیئے، پاکستان نے امریکا کی جنگ لڑی اور دہشت گردی کے خلاف جنگ میں ستر ہزار جانوں کی قربانی دی۔

Comments

یہ بھی پڑھیں