The news is by your side.

Advertisement

وزیر اعظم نے وفاقی کابینہ کا اجلاس کل طلب کرلیا

اسلام آباد: وزیر اعظم عمران خان نے وفاقی کابینہ کا اجلاس کل طلب کرلیا، اجلاس میں مقبوضہ کشمیر کی صورتحال کے جائزے سمیت متعدد امور زیر غور آئیں گے۔

تفصیلات کے مطابق وزیر اعظم عمران خان نے وفاقی کابینہ کا اجلاس کل طلب کرلیا۔ اجلاس کا 19 نکاتی ایجنڈہ جاری کردیا گیا ہے۔

اجلاس میں مقبوضہ کشمیر کی تازہ صورتحال کا جائزہ لیا جائے گا، وزیر اعظم وفاقی کابینہ کو دورہ امریکا کے پلان سے آگاہ کریں گے جبکہ اجلاس میں عالمی رہنماؤں سے روابط اور سفارتی کوششوں پر بریفنگ دی جائے گی۔

اجلاس میں وزارتوں میں فلاحی منصوبے شروع کرنے کے فیصلے میں پیشرفت کا جائزہ لیا جائے گا، سی پیک منصوبے سے متعلق کابینہ کمیٹی کے فیصلوں کی توثیق کی جائے گی۔ سی پیک منصوبوں کے چینی باشندوں کے لیے ورک ویزہ کی منظوری بھی اجلاس کے ایجنڈے میں شامل ہے۔

اجلاس میں توانائی اور اقتصادی رابطہ کمیٹی کے فیصلوں اور لیجس لیٹو کیسز سے متعلق کابینہ کمیٹی کے گزشتہ فیصلوں کی بھی توثیق ہوگی۔

وفاقی کابینہ اپنے گزشتہ فیصلوں پر عملدر آمد کا بھی جائزہ لے گی، اس دوران پاکستان الائیڈ ہیلتھ پروفیشنل اینڈ پیرا میڈکس ایکٹ 2019 کی منظوری کا بھی امکان ہے۔ پاکستان تمباکو کنٹرول ڈائریکٹرز کی از سر نو تشکیل کی منظوری بھی دی جائے گی۔

ریلوے بورڈ میں پرائیویٹ ممبرز کی تقرری کی منظوری بھی اجلاس کے ایجنڈے کا حصہ ہے۔ وفاقی کابینہ پمز ریفارمز ایکٹ 2019 کی اصولی منظوری دے گی۔

Comments

comments

یہ بھی پڑھیں