The news is by your side.

Advertisement

وفاقی کابینہ کا اجلاس، زرعی شعبے کیلئے ریلیف پیکیج پر غور

اسلام آباد: وفاقی کا بینہ کے اجلاس میں زرعی شعبے کیلئے ریلیف پیکیج کی منظوری پر غور کیا جا رہا ہے۔

وزیرِاعظم کی زیرِ صدارت وفاقی کابینہ کا اجلاس جاری ہے، اجلاس میں زرعی شعبے کیلئے ریلیف پیکیج کی منظوری پر غور کیا جا رہا ہے، اجلاس میں اس عزم کا بھی اظہار کیا گیا کہ حکومت کاشتکاروں کی فلاح کیلئے کوئی کسر نہیں چھوڑے گی اور زراعت کا فروغ حکومت کی اولین ترجیح ہے۔

ریلیف پیکیج کی منظور ہونے سے حکومت کسانوں کی فصلوں کی انشورنس بھی کرے گی، کسانوں کو ٹیوب ویل پر سبسڈی بھی دی جائے گی، کسانوں کو زرعی آلات کی خریداری پر رعایت ملے گی۔

اس موقع پر کابینہ نے سعودی عرب کرین سانحے کے شہداء کے لئے فاتحہ خوانی کی اور سوگوار خاندان سے اظہارِ تعزیت کیا۔

ذرائع کے مطابق اجلاس کے دوران وزیراعظم نے نجی سکولوں کی جانب سے فیسوں میں اضافے پر اظہار برہمی کیا اور وزارتِ کیڈ کو ہدایات جاری کیں کہ وہ نجی اسکولوں میں فیسوں میں اضافے کے معاملے سے متعلق اقدامات کرے۔

Print Friendly, PDF & Email

Comments

comments

یہ بھی پڑھیں