The news is by your side.

Advertisement

وزیراعظم نے وفاقی کابینہ کا اجلاس 6 اگست کو طلب کرلیا

اسلام آباد: وزیراعظم عمران خان نے وفاقی کابینہ کا اجلاس 6 اگست کو طلب کرلیا، بارہ نکاتی ایجنڈا بھی جاری کر دیا گیا۔

تفصیلات کے مطابق وفاقی کابینہ کا اجلاس چھ اگست کو ہوگا۔ ذرایع کا کہنا ہے کہ کابینہ ای سی سی کے فیصلوں کی توثیق کرے گی۔

عوامی مفاد کے نئے منصوبوں پر کابینہ اجلاس میں بات چیت ہوگی، کراچی، لاہور، پشاور اور ملتان میں کثیر المنزلہ عمارتوں کا معاملہ زیر غور آئے گا۔

وفاقی کابینہ فلائٹ انسپکشن یونٹ ایریئل ورک لائسنس کلاس ون کی تجدید کی منظوری دے گی، کابینہ فیڈرل انسٹی ٹیوٹ آف حیدرآباد کے لیے قانون سازی کی اصولی منظوری دے گی۔

وزیراعظم عمران خان نے پارٹی ترجمانوں کااجلاس طلب کرلیا

وفاقی کابینہ نیشنل فرٹیلائزر کارپوریشن کے سی ای او کو عہدے سے ہٹانے کی منظوری دے گی، قومی پیداوار آرگنائزیشن کے بورڈ آف ڈائریکٹرز کی منظوری بھی کابینہ کا حصہ ہے۔

کابینہ پاکستان الائیڈ ہیلتھ پروفیشنل اینڈ پیرا میڈکس کونسل ایکٹ کی منظوری دے گی، احساس پروگرام سے متعلق بریفنگ بھی کابینہ کے ایجنڈے میں موجود ہیں خوزارت مواصلات اگست 2018 سے جون 2019 تک کی کارکردگی پر بریفنگ دے گی، وفاقی کابینہ اپنے فیصلوں پر عملدرآمد کا جائزہ لے گی۔

Comments

comments

یہ بھی پڑھیں