The news is by your side.

Advertisement

وفاقی کابینہ کی سرکاری شخصیات کو ممنوعہ اورغیرممنوعہ بورلائسنسز کے اجرا کی منظوری

اسلام آباد : وفاقی کابینہ نےسرکاری شخصیات کو ممنوعہ اورغیرممنوعہ بورلائسنسز کے اجرا اور افغان مہاجرین کی رجسٹریشن کی تجدید کی منظوری دے دی۔

تفصیلات کے مطابق وزیراعظم کی زیرصدارت وفاقی کابینہ کا اجلاس ختم ہوگیا ، اجلاس میں ملکی سیاسی، معاشی صورتحال سمیت 16 نکاتی ایجنڈے پر غور کیا گیا۔

کابینہ اجلاس میں نوشہرہ میں ریلوے کی زمین پرکثیرالمنزلہ عمارت کی تعمیر کیلئے رپورٹ پیش کی گئی جبکہ سرکاری شخصیات کوممنوعہ،غیرممنوعہ بور لائسنسز کے اجرا کی منظوری دے دی گئی۔

ذرائع کاکہنا تھا کہ وفاقی کابینہ نے نیشنل کونسل برائے ہومیوپیتھی کے صدر اور نائب صدر کی منظوری ، نیشنل بک فاؤنڈیشن کے مینیجنگ ڈائریکٹر کی تعیناتی کی بھی منظوری دی۔

ذرائع کے مطابق پبلک سیکٹرآرگنائزیشن میں سربراہوں کی خالی آسامیوں سمیت ایف 9 پارک، پاک چائنہ فرینڈشپ سینٹر اور فاٹا ہؤوس کےاستعمال پر بریفنگ موخر کردی گئی۔

سندھ انفراسٹرکچرڈیولپمنٹ کمپنی کےسی ای اوکےاضافی چارج کی منظوری اور افغان مہاجرین کی رجسٹریشن کی تجدیدکی منظوری بھی دے دی گئی۔

کابینہ کوسوشل ویلفیئرفنڈکےاستعمال سےمتعلق گائیڈلائنز اور موجودہ حکومت میں گیس ڈویلپمنٹ اسکیم کےطریقہ کار پربریفنگ دی گئی اور
رولزآف بزنس1973میں ترمیم کی منظوری موخر کرنے کے ساتھ ساتھ قومی اقتصادی کونسل، کابینہ کمیٹی برائےادارہ جاتی ریفارمز کے فیصلوں کی توثیق کردی۔

Comments

یہ بھی پڑھیں