وزیر اعظم کے زیرصدارت وفاقی کابینہ کے اجلاس میں اہم فیصلے کیے گئے -
The news is by your side.

Advertisement

وزیر اعظم کے زیرصدارت وفاقی کابینہ کے اجلاس میں اہم فیصلے کیے گئے

اسلام آباد : وزیر اعظم پاکستان میاں محمد نواز شریف کے زیر صدارت وفاقی کابینہ کا اجلاس ختم ہو گیا ہے،اجلاس میں توانائی کے شعبے اور انفرا سٹریکچر بہتر بنانے کے لیے اہم فیصلے کیے گئے۔

تفصیلات کے مطابق وزیراعظم نواز شریف نے کابینہ کو خصوصی ہدایت کی ہے کہ توانائی اور دیگر انفرااسٹرکچر منصوبوں پر کام کی رفتار کو تیز کیا جائے اور تما پروجیکٹ کو مقررہ وقت میں مکمل کر لیا جائے تا کہ عوام تک اس کے ثمرات بروقت پہنچ سکیں۔

ذرائع کے مطابق وزیراعظم نواز شریف کی زیرصدارت وفاقی کابینہ کے اجلاس میں وفاقی وزیرخزانہ اسحاق ڈار، وزیرمنصوبہ بندی احسن اقبال اور وفاقی وزیراطلاعات پرویز رشید سمیت دیگروزراء نے شرکت کی۔

اس موقع پر وزیراعظم اور کابینہ کوسی پیک منصوبے میں پیشرفت پر خصوصی بریفنگ بھی دی گئی جب کہ وزراء نے پاک چین اقتصادی راہدری منصوبے سمیت ملک بھر میں جاری توانائی اور انفرااسٹرکچر منصوبوں پر وزیر اعظم کو اعتماد میں لیا۔

اجلاس کے دوران وزیراعظم کا کہنا تھا کہ پاکستان معدنی وسائل سے مالا مال ہے ایسا ہی ایک خزینہ تھر میں کوئلے کے ذخائر کی صورت میں موجود ہے جس سے توانائی کے بحران پر قابو پایا جا سکتا ہے

تا ہم ماضی میں تھرکول ذخائر سے استفادہ نہیں کیا گیا اگرتھرکول کے ذخائر استعمال کررہے ہوتے تو آج توانائی برآمد کررہے ہوتے۔

وزیراعظم نے وفاقی کابینہ کو ہدایتات جا ری کیں کہ توانائی اور دیگر منصوبوں کو 2018 سے پہلے مکمل کرنے کی ہرممکن کوشش کی جائے اور اقتصادی راہدری منصوبے کی جلد اور بروقت تکمیل وزراء کی ترجیح ہونی چاہیے۔

Comments

comments

یہ بھی پڑھیں