وزیراعظم نواز شریف کےزیرصدارت وفاقی کابینہ کااجلاس آج ہورہا ہے -
The news is by your side.

Advertisement

وزیراعظم نواز شریف کےزیرصدارت وفاقی کابینہ کااجلاس آج ہورہا ہے

اسلام آباد : وزیر اعظم پاکستان میاں محمد نواز شریف کی زیر صدارت وفاقی کابینہ کا ایک اہم اجلاس آج ہونے جا رہا ہے۔

ذرائع کے مطابق وفاقی کابینہ کے اس اہم اجلاس میں سوئس بینکوں میں موجود پاکستانیوں کی دولت کا سراغ لگانے کے لئے سوئٹزرلینڈ کے ساتھ دوہرے ٹیکسوں سے بچاؤ کے ترمیم کےمسودے اورصوبائی سروسز پر ان پٹ ٹیکس ایڈ جسٹمنٹ کی بحالی کے مجوزہ آرڈیننس کی منظوری دیگی۔

ایک اور اطلاع کے مطابق وفاقی کابینہ کے اجلاس میں منظوری کیلئے پیش کیے جانے والے مجوزہ آرڈیننس کے ذریعے شہدا کے ورثا کو حکومت کیجانب سے ملنے والے پلاٹ کی پہلی مرتبہ فروخت کو ود ہولڈنگ ٹیکس اور کیپیٹل گین ٹیکس سے چھوٹ دینے کی بھی منظوری دی جائیگی۔

وزیر اعظم پاکستان کراچی میں متحدہ قائد کی جانب سے پاکستان مخالف بیان دینے کے بعد وفاقی حکومت کی جانب سے کیے گئے اقدامات کا بھی جائزہ لیں گے۔

واضح رہے اشتعال انگیز تقاریر کرنے اور لوگوں کو تشدد پر اُکسانے پر وزرات داخلہ بانی ایم کیو ایم کے خلاف ایک ریفرنس پہلے ہی برطانوی حکومت کو بھیجوا چکی ہے جس میں برطانوی قوانین کے تحت کارروائی کی استدعا کی گئی ہے۔

Comments

comments

یہ بھی پڑھیں