The news is by your side.

Advertisement

وفاقی حکومت کا پی آئی اے طیارہ حادثے کی رپورٹ 22 جون کو پبلک کرنے کا اعلان

کراچی : وفاقی حکومت کاطیارہ حادثےکی رپورٹ 22 جون کو پبلک کرنے کا اعلان کردیا ، جس پر عدالت نے کہا حادثےپر حتمی رپورٹ سے پہلے کوئی بات کر نہیں کر سکتے۔

تفصیلات کے سندھ ہائی کورٹ میں پی آئی اے طیارہ حادثےکی شفاف تحقیقات سےمتعلق درخواست پر سماعت ہوئی ، عدالت نے ڈپٹی اٹارنی جنرل سےاستفسار کیا طیارہ حادثےکی رپورٹ کب تک آئے گی، جس میں بتایا گیا کہ وفاقی حکومت کاطیارہ حادثےکی رپورٹ 22 جون کو پبلک کرنے کا اعلان کیا ہے۔

ڈپٹی اٹارنی جنرل پاکستان نے سندھ ہائی کورٹ کو آگاہ کیا کہ22 جون تک رپورٹ آنے کے امکان ہیں، وزیر اعظم کی ہدایت پررپورٹ بھی پبلک کی جائےگی، جس پر عدالت نے کہا حکومت کو پہلے رپورٹ پبلش کرنے دیں، بعدمیں نوٹس کریں گے۔

عدالت نے کہا اے ٹی آر طیارہ حادثے پر سول ایوی ایشن نے اپنا جواب جمع کرایا ،جسٹس محمد علی مظہرکا کہنا تھا کہ آپ پہلےوہ جواب پڑھیں بعدمیں دلائل دیں، پی آئی اے طیارہ حادثے کی تحقیقات تو ہورہی ہیں ، وزیر اعظم سمیت اعلیٰ حکام خود بھی معاملے کو دیکھ رہے ہیں اور فرانسیسی ٹیم تحقیقات کررہی ہے، انکوائری رپورٹ سےپہلےحکومت کو کیسے نوٹس جاری کریں۔

درخواست گزار نے کہا 22 مئی کو جوطیارہ تباہ ہوا وہ ناکارہ تھا، جس پر عدالت نے کہا آپ نے تواستدعا کی پی آئی اے کے تمام طیارے گراؤنڈ کردیں، اور درخواست گزار سے استفسار کیا یہ کیسی ممکن ہو سکتاہے؟

عدالت نے کہا حادثےپر حتمی رپورٹ سے پہلے کوئی بات کر نہیں کر سکتے، جس کے بعد سندھ ہائی کورٹ نے درخواست پر مزید سماعت 25 جون تک ملتوی کردی۔

fb-share-icon0
Tweet 20

Comments

comments

یہ بھی پڑھیں