The news is by your side.

Advertisement

او پی ڈی سروس ، وفاقی سرکاری اسپتالوں نے بڑا فیصلہ کرلیا

اسلام آباد : وفاقی سرکاری اسپتالوں نے او پی ڈی سروس بحال کرنے کا فیصلہ کرلیا ، پہلے فیزمیں پولی کلینک،نرم اسپتال کی او پی ڈیز بحال کی گئی ہیں۔

تفصیلات کے مطابق وفاقی سرکاری اسپتالوں نے او پی ڈی سروس بحال کرنے کا فیصلہ کرلیا ، پولی کلینک، نرم اسپتال کی او پی ڈیزمشروط طوربحال کی جائیں گی۔

ذرائع کا کہنا ہے کہ وفاقی وزارت قومی صحت نےاو پی ڈیز بحالی کی تحریری اجازت دے دی ہے ، پہلے فیزمیں پولی کلینک،نرم اسپتال کی او پی ڈیز بحال کی گئی ہیں، پولی کلینک، نرم اسپتال کی او پی ڈیز کو کورونا ایس او پیز کے تحت چلایا جائے گا۔

وزارت صحت ذرائع کے مطابق پولی کلینک، نرم اسپتال میں او پی ڈیز صبح 8تا دوپہر 2بجے فعال ہوں گی اور او پی ڈیز میں ایک وقت میں ایک مریض داخلے کی اجازت ہو گی جبکہ مریض کے ہمراہ ایک فرد کو آنے کی اجازت ہو گی۔

ذرائع نے کہا ہے کہ نرم اسپتال سے کورونا کے مشتبہ مریض کو پمز ریفر کیا جائے گا جبکہ پولی کلینک اسپتال میں کورونا مریضوں کے داخلے بند کرنے کا فیصلہ کیا ہے، پولی کلینک آنے والے کورونا کے مشتبہ مریضوں کو پمز ریفر کیا جائے گا۔

ذرائع وزارت صحت کا مزید کہنا تھا کہ پولی کلینک میں کورونا کے 7مصدقہ مریض زیرعلاج ہیں۔

fb-share-icon0
Tweet 20

Comments

comments

یہ بھی پڑھیں