کراچی میں انسداد تجاوزات آپریشن، وفاق کا عدالت میں نظرثانی اپیل دائر کرنے کا فیصلہ
The news is by your side.

Advertisement

کراچی میں انسداد تجاوزات آپریشن، وفاق کا عدالت میں نظرثانی اپیل دائر کرنے کا فیصلہ

کراچی: شہرقائد میں جاری انسداد تجاوزات آپریشن کے خلاف وفاق نے عدالت میں نظرثانی اپیل دائر کرنے کا فیصلہ کیا ہے۔

تفصیلات کے مطابق وزیراعظم عمران خان سے گورنر سندھ عمران اسماعیل نے ملاقات کی اور کراچی میں تجاوزات کے خلاف جاری آپریشن پر تفصیل سے گفتگو کی۔

وزیر اعظم اور گورنر سندھ کے درمیان ہونے والی ملاقات کے دوران شہرقائد سے متعلق خصوصی گفتگو کی گئی۔

وزیراعظم عمران خان نے اٹارنی جنرل کو ہدایت جاری کر دی ہے کہ آپریشن سے متعلق عدالتی حکم پر نظرثانی اپیل دائر کی جائے۔

دوسری جانب شہر میں دوبارہ تجاوزات لگانے والوں کے خلاف سخت ایکشن لیا جارہا ہے۔

کراچی: دوبارہ تجاوزات لگانے پر کے ایم سی کا سخت آپریشن، تمام سامان ضبط

گذشتہ روز دوبارہ تجاوزات لگانے پر کے ایم سی نے سخت آپریشن کرتے ہوئے رینبو سینٹر، پارکنگ پلازہ اور پریڈی اسٹریٹ پر کارروائی کے دوران ٹھیلے، پتھارے، کرسیاں اور دیگر سامان ضبط کرلیا تھا۔

خیال رہے کہ دو روز قبل مشیر اطلاعات سندھ نے کہا تھا شہرِ قائد کے علاقے ایمپریس مارکیٹ کے اطراف جہانگیر پارک کی طرز کا نیا پارک بنایا جائے گا اور پارک کے ساتھ نئے منصوبے کے تحت چھوٹے کیبن بنائے جائیں گے۔

Comments

comments

یہ بھی پڑھیں