The news is by your side.

حکومت نے لگژری اشیاء کی درآمد پر پابندی اٹھانے کے بعد نئی شرط لگادی

اسلام آباد : وفاقی حکومت نے 30 جون کے بعد پہنچنے والی درآمدی اشیاء کو کلیئرنس کی اجازت دے دی۔

تفصیلات کے مطابق غیر ضروری اور لگژری اشیا کی درآمد پر 19 مئی سے 19اگست تک پابندی کے معاملے پر وفاقی حکومت نے 30 جون 2022 کے بعد پہنچنے والی درآمدی اشیا کو کلیئرنس کی اجازت دے دی۔

درآمدی اشیا کو 100فیصد تک سر چارج کی ادائیگی پر اجازت دیدی گئی ، وفاقی کابینہ کی منظوری کےبعدوزارت تجارت نے نوٹیفکیشن جاری کردیا ہے۔

30 جون کے بعد بندرگاہ اور ایئرپورٹ پہنچنے والی اشیا کو اجازت دی گئی، گاڑیوں، موبائل اور ہوم اپلائنسز پر 100 فیصد سر چارج کی ادائیگی پراجازت ہوگی۔

نوٹیفکیشن میں کہا گیا کہ یہ اجازت30 جون کے بعد اور 31 جولائی تک پہنچنے کی شرط پردی گئی ہے، دیگردرآمدی اشیاکو35فیصدتک سرچارج کی ادائیگی پراجازت دی گئی ہے۔

31 جولائی کے بعد پہنچنے والی درآمدی اشیا کو 35 فیصد سرچارج کی ادائیگی پر اجازت ہوگی جبکہ 30 جون کے بعد اور 31 جولائی تک پہنچے والی درآمدی اشیا پر 25 فیصد سر چارج عائد ہوگا۔

حکومتی پابندی کے باعث کئی اشیاایئرپورٹ،بندرگاہوں پرروک دی گئی تھیں۔

خیال رہے وفاقی حکومت نے19مئی کوغیر ضروری،لگژری اشیاکی درآمدپرپابندی عائدکی تھی اور 3ماہ کے بعد گزشتہ رات درآمد پر پابندی اٹھالی تھی۔

Comments

یہ بھی پڑھیں