اسلام آباد: وفاقی وزارتوں کی سہ ماہی کے مقررہ اہداف کی کارکردگی رپورٹ کے مطابق وزارتِ قانون و انصاف پھر سرفہرست رہا۔
اے آر وائی نیوز کے مطابق اہداف کی تکمیل کے معاملے میں وفاقی وزارت قانون و انصاف خاطر خواہ کارکردگی کی وجہ سے پہلا نمبر حاصل کرنے میں کامیاب رہا۔
رپورٹ کے مطابق وزارت قانون وانصاف نے92 فیصدمقررہ اہداف مکمل کیے جبکہ باقی وزارتوں کے مقررہ اہداف کی تکمیل کی شرح 62 فیصد تک رہی۔
معاون خصوصی شہزاد ارباب نے وفاقی وزیرقانون و انصاف ڈاکٹرفروغ نسیم کو خط تحریر کیا جس میں بتایا گیا ہے کہ وزیراعظم نے تمام وزارتوں کی سہ ماہی کارکردگی کا خود مشاہدہ کیا۔
تمام وزارتوں کی اہداف کی اوسط تکمیل کی شرح62فیصدرہی جبکہ وزارت قانون کی مقررکردہ اہداف کی تکمیل کی شرح 92 فیصد سب سے زیادہ رہی۔
وزیرقانون وانصاف بیرسٹرڈاکٹر فروغ نسیم اور ان کی ٹیم کوخط میں خراج تحسین جبکہ کارکردگی کے تسلسل کو جاری رکھنے پر زور دیا گیا ہے۔
