اسلام آباد : وفاقی حکومت نے او آئی سی کے اجلاس کے پیش نظر 20 دسمبر کو مقامی تعطیل کا باضابطہ اعلان کردیا ہے۔
تفصیلات کے مطابق وفاقی حکومت نے 20دسمبرکومقامی تعطیل کاباضابطہ اعلان کردیا ، جس کے تحت 20 دسمبر کو تمام وفاقی وزارتوں، ڈویژنز، ماتحت ادروں میں چھٹی ہوگی۔
کابینہ ڈویژن نے20دسمبربروز پیر کی چھٹی کا نوٹی فکیشن جاری کردیا ہے ، جس میں کہا گیا ہے کہ وفاقی حکومت کے اسلام آباد کی حدود میں تمام دفاتر بھی پیر کو بند رہیں گے۔
خیال رہے او آئی سی وزرائےخارجہ کا 17واں غیر معمولی اجلاس 19 دسمبر کو اسلام آباد میں ہونے جارہا ہے ، اجلاس میں او آئی سی رکن ممالک سمیت اقوام متحدہ اور عالمی مالیاتی ادارے شرکت کریں گے۔
امریکا،برطانیہ ، فرانس ، چین ، روس،جرمنی ،اٹلی اور جاپان کے نمائندے کو بھی مدعو کیا گیا ہے جبکہ اجلاس میں افغانستان کی عبوری حکومت کی بھی نمائندگی ہو گی۔