پشاور: حکومت نے آئی جی خیبرپختونخوا صلاح الدین خان اور چیف سیکریٹری نوید کامران بلوچ کو تبدیل کردیا۔
تفصیلات کے مطابق آئی جی خیبرپختونخوا صلاح الدین کو آئی جی آزاد کشمیر تعینات کیا گیا ہے جبکہ آئی جی آزاد کشمیر محمد نعیم خان کو آئی جی خیبرپختونخوا مقرر کیا گیا ہے۔
چیف سیکریٹری نوید کامران بلوچ کو اسٹیبلشمنٹ ڈویژن رپورٹ کرنے کی ہدایت کی گئی ہے اور ان کی جگہ پاکستان ایڈمنسٹریٹو سروس گریڈ 21 کے محمد سلیم کو چیف سیکریٹری خیبرپختونخوا مقرر کیا گیا ہے۔
واضح رہے کہ نوید کامران بلوچ کو جون 2018 میں نگراں حکومت نے چیف سیکریٹری خیبرپختونخوا تعینات کیا تھا، چیف سیکریٹری مقرر ہونے والے محمد سلیم 30 اکتوبر 2019 کو ریٹائر ہوجائیں گے۔
مزید پڑھیں: وفاقی حکومت نے تین صوبوں کے آئی جیز تبدیل کردئیے
چیف سیکریٹری آزاد کشمیر خواجہ داؤد احمد کو ایڈیشنل رجسٹرار سپریم کورٹ مقرر کیا گیا ہے، اسٹیبلشمنٹ ڈویژن نے تعیناتیوں کو نوٹیفکیشن جاری کردئیے ہیں۔
مظہر نیاز رانا کو آزاد کشمیر کا نیا چیف سیکریٹری تعینات کردیا گیا ہے وہ اس سے قبل ایڈیشنل سیکریٹری صنعت و پیداوار تعینات تھے۔
