site
stats
پاکستان

وفاقی حکومت اے ڈی خواجہ کو پنجاب کا آئی جی لگا لے، مولا بخش

کراچی: پیپلزپارٹی کے رہنماء مولا بخش چانڈیو نے کہا ہے کہ آئی جی سندھ اے ڈی خواجہ بہت ایماندار شخص ہیں انہیں پنجاب کا آئی جی لگا کر مسئلے کو حل کریں۔

اے آر وائی کے پروگرام آف دی ریکارڈ میں میزبان کاشف عباسی کی طرف سے پوچھے گئے سوال کے جواب میں پیپلزپارٹی کے سابق مشیر اطلاعات مولا بخش چانڈیو نے کہا کہ اے ڈی خواجہ بہت اچھے اور ایماندار شخص ہیں میری اُن سے کوئی لڑائی نہیں اور نہ ہی میں اُن کے خلاف کوئی بات کروں گا۔

انہوں نے کہا کہ آئی جی سندھ کی برطرفی پر میڈیا میں خبریں زیر گردش ہیں کہ انہیں ترقیوں، ملازمتوں پر مسئلہ تھا، اگر واقعی یہ مسئلہ تھا تو کسی بھی افسر کو چاہیے کہ وہ اپنی ذمہ داریوں سے معذرت کر لے۔

مولا بخش چانڈیو نے کہا کہ وفاقی حکومت اللہ ڈینو خواجہ کو بہت اچھا افسر سمجھتی ہیں اور اُن کے بارے میں ایسا ہی تاثر پیش کرتی ہے تو انہیں چاہیے کہ اے ڈی خواجہ کو آئی جی پنجاب کے عہدے پر تعینات کرلیں۔

پی پی رہنماء نے کہا کہ اے ڈی خواجہ کے پیچھے وفاقی حکومت کھڑی ہے، عدالتیں فورا فیصلہ دے دیتی ہیں تاہم اگر صوبائی حکومت ایک افسر کے ساتھ کام نہیں کرنا چاہتی تو اُسے کیوں رکھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top