site
stats
اہم ترین

نئے گورنر سندھ کی خراب صحت، وفاقی حکومت پریشان

اسلام آباد: نئے گورنر سندھ جسٹس(ر) سعید الزماں کی صحت کے متعلق سوالات اٹھنا شروع ہوگئے، وفاق نے بھی پریشانی ظاہر کردی۔

ذرائع کا کہنا ہے کہ سعید الزماں صدیقی کی بطور گورنر سندھ تعیناتی سے قبل وفاقی حکومت ان کی صحت سے متعلق لاعلم رہی اور انہیں گورنر سندھ تعینات کردیا تاہم ان کی حالیہ فوٹیجز کے منظر عام اور اپوزیشن ارکان کے بیانات سامنے آنے کے بعد حکومتی حلقے پریشانی کا شکار ہوگئے ہیں۔

یہ پڑھیں: سندھ کے نامزد گورنر جسٹس ریٹائرڈ سعید الزمان صدیقی کل عہدے کا حلف اٹھائیں گے

ذرائع کے مطابق حکومتی حلقوں میں تشویش پیدا ہوگئی ہے کہ کیا نئے گورنر اس خراب صحت کے ساتھ اپنی ذمہ داریاں ادا کرسکیں گے؟

حکومتی ذرائع کا کہنا ہے تعیناتی تک بھی وفاقی حکومت کو سعید الزماں کی صحت کے متعلق معلومات حاصل نہ ہوسکیں تھیں ورنہ وفاقی حکومت انہیں گورنر سندھ تعینات نہ کرتی۔

یہ بھی پڑھیں: جسٹس(ر) سعید الزماں‌ صدیقی گورنر سندھ تعینات

واضح رہے کہ گورنر سندھ کو نامزد کیے جانے کے بعد ان کی تقرری کا باقاعدہ نوٹی فکیشن جاری کردیا گیا ہے، سعید الزماں صدیقی کو آج اپنے عہدے کا باقاعدہ حلف اٹھانا تھا تاہم نامعلوم وجوہات کی بنا پر تقریب حلف برداری ملتوی کردی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top