The news is by your side.

Advertisement

وفاقی وزیرقانون کی سابقہ حکومتی شخصیات کیخلاف آرٹیکل 6 سے متعلق مشاورت کی تصدیق

اسلام آباد : وفاقی وزیرقانون اعظم نذیر تارڑ نے سابقہ حکومتی شخصیات کیخلاف غداری کے مقدمات سے متعلق مشاورت کی تصدیق کردی۔

تفصیلات کے مطابق وفاقی وزیرقانون اعظم نذیر تارڑ سے میڈیا گفتگو میں صحافی نے سوال کیا کہ وزرات قانون اور داخلہ آرٹیکل 6 کے تحت مقدمہ بنا رہی ہے؟

جس پر اعظم نذیرتارڑ نے بتایا کہ ہم مقدمے بنانہیں رہے مگرجانچ ضرورکررہےہیں، کچھ دوستوں کامشورہ تھاجیسےآئین سےسلوک ہورہاہےآپ غور کریں۔

وزیرقانون کا کہنا تھا کہ وزرات قانون وداخلہ میں آرٹیکل 6 سے متعلق ابتدائی مشاورت ہوئی، آرٹیکل6سےمتعلق قانونی رائےآنی ہے تاہم آرٹیکل 6 سے متعلق فیصلہ وفاقی کابینہ نے کرنا ہے۔

گذشتہ روز ذرائع کا کہنا تھا کہ وفاقی حکومت نے سابقہ حکومتی شخصیات کیخلاف ریفرنس دائرکرنےپرغور کررہی ہے ، آرٹیکل 6 کا ریفرنس دائر کرنا ہے یا نہیں فیصلہ وزیر اعظم کی واپسی پر ہوگا۔

ذرائع نے بتایا تھا کہ آرٹیکل 6 پر تاحال کوئی فیصلہ نہیں کیا گیا تاہم سنجیدہ حلقے غور کررہے ہیں۔

Comments

یہ بھی پڑھیں