site
stats
سندھ

وفاقی وزیراطلاعات پرویزرشید اورفاروق ستار کی پنجاب ہاؤس میں ملاقات

کراچی : وفاقی وزیراطلاعات پرویزرشید نے کراچی آمد پرکہا کہ وہ وزیراعظم کی ہدایت پرایم کیو ایم کے وفد سے ملنے کراچی آئے تھے،ایم کیو ایم کےجائزتحفظات دورکریں گے۔

تفصیلات کے مطابق وفاقی وزیراطلاعات پرویزرشید نے آج کراچی تشریف لائے ہیں انہوں نے پنجاب ہاؤس میں ایم کیو ایم کے وفد سے ملاقات کی،وفد میں ڈاکٹر فاروق ستاراورنسرین جلیل سمیت دیگررہنما موجود تھے جب کہ مسلم لیگ کی جانب سے سینیٹر نہال ہاشمی اور مسلم لیگ ن سندھ کے نائب صدراطلاعات علی اکبرگجرنےشرکت کی۔

ملاقات کے بعد وفاقی وزیر اطلاعات پرویز رشید نے میڈیا سے بات کرتے ہوئے کہا کہ وزیراعظم کی ہدایت پر کراچی آیا ہوں اور یقین دلاتا ہوں کہ ایم کیو ایم کی شکایتوں کا سنجیدگی سے جائزہ لیا جائے گا اور مسئلے کو ایک دو روزمیں مثبت انداز سے حل کرلیں گے۔

انہوں نے کہا کہ ماورائے عدالت قتل کی تحقیقات اوررینجرزآپریشن پرمانیٹرنگ کمیٹی بنانے پر وزیر اعظم سے بات کروں گا جب کہ سیاسی کارکنان کی بازیابی اور بے جا چھاپے بند کرائے جائیں گے تا ہم جرائم پیشہ افراد کے خلاف آپریشن جا ری رہے گا۔

ایک ڈاکٹر طاہر القادری کی قصاص ریلی اور عمران خان کی احتساب ریلی کے حوالے سے پوچھے گئے سوال کے جواب میں وفاقی وزیر کا کہنا تھا کہ سیاسی جماعتیں احتجاج کے بجائے بات چیت کے ذریعے مسائل حل کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top