وفاقی وزیر اطلاعات مریم اورنگزیب نے سابق وزیراعظم کو مخاطب کرتے ہوئے کہا ہے کہ عمران صاحب اللہ کا واسطہ ہے کہ عید کی خوشیوں کا دن تو عوام کو منانے دیں۔
وفاقی وزیر اطلاعات نے سماجی رابطوں کی ویب سائٹ ٹوئٹر پر اپنے پیغام میں کہا ہے کہ چار سال بعد عوام کو مہنگائی سے کچھ ریلیف اور خوشیوں بھری عید نصیب ہوئی ہے، آج کے تو دن اپنے جھوٹ اور زبان کو آرام دیں۔
مریم اورنگزیب نے اپنے ایک اور ٹوئٹ میں مزید لکھا کہ عید پر اپنی ناکامیوں، وعدہ خلافیوں اور کرپشن کا ماتم بند کریں، بائیس کروڑ عوام کی خوشیاں بدمزہ نہ کریں۔
عید پر اپنی ناکامیوں، وعدہ خلافیوں، کرپشن اور چوریوں کا ماتم بند کریں، بائیس کروڑ عوام کی خوشیاں بدمزہ نہ کریں۔ ہوسکے تو آج کے دعاؤں کی قبولیت کے دن اپنے جھوٹ اور کرپشن پر اللہ تعالی کے حضور ندامت کے چند الفاظ بولیں، عوام سے معافی مانگیں۔ عید کے دن کو تومعاف کردیں۔
— Marriyum Aurangzeb (@Marriyum_A) May 3, 2022
انہوں نے اپنے ٹوئٹ میں یہ بھی کہا ہے کہ ہوسکے تو آج دعاؤں کی قبولیت کے دن اپنے جھوٹ اور کرپشن پر اللہ تعالیٰ کے حضور ندامت کے چند الفاظ بولیں اور عوام سے معافی مانگیں۔ عید کے دن تو معاف کردیں۔
