اسلام آباد: وفاقی وزیر داخلہ اور انسداد منشیات محسن نقوی نے عہدوں کی تنخواہ نہ لینے کا اعلان کر دیا۔
محسن نقوی نے اپنے بیان میں کہا کہ وزیر داخلہ اور انسداد منشیات کی حیثیت سے قوم کی خدمت کا اعزاز حاصل ہوا ہے، اس مدت کے دوران اپنی تنخواہ چھوڑنے کا فیصلہ کیا ہے۔
انہوں نے کہا کہ مشکل وقت میں ہر ممکن طریقے سے قوم کی حمایت اور خدمت کیلیے پرعزم ہیں۔
دوسری جانب صدر مملکت آصف علی زرداری نے ملک کو درپیش معاشی چیلنجز کے پیش نظر تنخواہ نہ لینے کا فیصلہ کیا ہے۔ اس حوالے سے ایوانِ صدر کی جانب سے اعلامیہ جاری کیا گیا۔
اعلامیے کے مطابق صدر مملکت آصف علی زرداری نے فیصلہ ملک کو درپیش معاشی چیلنجز کے پیش نظر کیا، ان کے فیصلے کا مقصد دانشمندانہ مالیاتی انتظام کی حوصلہ افزائی کرنا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں