The news is by your side.

Advertisement

عوام کورونا کے باعث کسی بھی جلسے میں نہ جائیں، شبلی فراز

اسلام آباد: وفاقی وزیر برائے اطلاعات شبلی فراز کا کہنا ہے کہ عوام کورونا کے باعث کسی کے بھی جلسے میں نہ جائیں، ان کے اپنے خاندان باہر ہیں اور لوگوں کو جلسوں میں لارہے ہیں۔

اے آر وائی نیوز کی رپورٹ کے مطابق وفاقی وزیر اطلاعات شبلی فراز نے میڈیا سے گفتگو کرتے ہوئے کہا کہ کورونا وبا سے بچنے کے لیے احتیاطی تدابیر ضروری ہے، ہم چاہتے ہیں کہ لوگوں کی زندگی اور کاروبار دونوں محفوظ رہیں، عوام کا مسئلہ سیاست نہیں کاروبار ہے، وبا سے بچاؤ صرف احتیاط میں ہے۔

شبلی فراز نے کہا کہ گلگت بلتستان نے انہیں مسترد کردیا ہے، ان کی حیثیت یہ ہے کہ یہ قانون کو مطلوب ہیں، انہوں نے ملکی خزانے پر ڈاکا ڈالا ہے، ماضی میں اداروں کی تباہی میں آپ لوگوں نے کردار ادا کیا، اب پاکستانی عوام آپ لوگوں کے بیانیے کو ردی کی ٹوکری میں ڈال چکے ہیں۔

مزید پڑھیں: نواز شریف باہر رہ کر انقلابی نہیں بن سکتے، شبلی فراز

انہوں نے کہا کہ اپوزیشن اس الیکشن کو مانتی ہے جس میں یہ خود کامیاب ہوں، اپوزیشن نے اداروں کو مفلوج کیا ہے، ذاتی اور خاندانی مفاد کے تحفظ کے لیے ناٹک رچایا جارہا ہے۔

وفاقی وزیر نے کہا کہ معیشت اپنے قدموں پر کھڑی ہونے لگی ہے، عوامی مشکلات کا خاتمہ حکومت کی اولین ترجیح ہے، اپوزیشن کے پیٹ کا درد سخت ہوتا جائے گا، ناکامی ان کا مقدر تھی اور رہے گی۔

Comments

یہ بھی پڑھیں