The news is by your side.

Advertisement

’سندھ حکومت آدھے پیسے بھی کراچی پر لگائے تو نقشہ بدل جائے‘

اسلام آباد: وفاقی وزیر اطلاعات شبلی فراز کا کہنا ہے کہ سندھ حکومت آدھے پیسے بھی کراچی پر لگائے تو نقشہ بدل جائے۔

اے آر وائی نیوز کی رپورٹ کے مطابق وفاقی وزیر اطلاعات شبلی فراز نے میڈیا سے گفتگو کرتے ہوئے کہا کہ سندھ کے حکمران لوٹ مار کی آدھی رقم بھی کراچی پر لگاتے تو یہ پیرس بن جاتا، پی ٹی آئی کے ارکان اسمبلی کراچی کے لیے آواز اٹھا رہے ہیں۔

شبلی فراز نے کہا کہ کراچی کے لیے سندھ حکومت نے کچھ نہیں کیا، کراچی سب کا شہر ہے صوبائی مسئلہ کہہ کر نہیں چھوڑ سکتے، پیپلزپارٹی اجلاس میں بات مان لیتی ہے مگر باہر آکر بیان سے مکرجاتی ہے، کراچی کو اپنا سمجھ کر ہم نے قدم اٹھایا ہے۔

مزید پڑھیں: کراچی کے وسائل کی بات کریں تو سندھ خطرے میں آجاتا ہے، خواجہ اظہارالحسن

انہوں نے کہا کہ کراچی کو بھی اپنے ملک کا ہی شہر سمجھتے ہیں تو پھر تنقید کیسی، میٹنگ میں حمایت کی گئی باہر آکر متنازع بیانات دئیے گئے۔

شبلی فراز نے کہا کہ ن لیگ کہتی ہے کہ ان کے دور میں اہلیت صرف درباری ہونا تھا، ان کی اہلیت یہ تھی کہ اپنے سارے خاندان کو باہر لے گئے۔

وفاقی وزیر نے کہا کہ معیشت پر ملک کے لیے اچھی خبر اپوزیشن کے لیے بری خبر ہے، اپوزیشن انتظار کررہی تھی کرونا سے معیشت تباہ ہوگی اور حکومت چلی جائے گی، ان کے اندازے غلط ثابت ہوئے معیشت بہتر ہورہی ہے۔

Comments

یہ بھی پڑھیں