The news is by your side.

Advertisement

’’ایسا لگ رہا ہے ہم کہیں پھنس گئے ہیں‘‘

کراچی: پاکستانی شوبز انڈسٹری کی معروف اداکارہ صنم سعید کا کہنا ہے کہ کرونا کے باعث سماجی فاصلہ، گھر پر رہنا، لاک ڈاؤن ان سب سے ایسا لگ رہا ہے جیسے ہم کہیں پھنس گئے ہیں۔

تفصیلات کے مطابق پاکستانی ڈرامہ اور فلم انڈسٹری کی معروف اداکارہ صنم سعید نے سماجی رابطے کی ویب سائٹ انسٹاگرام پر اپنے پیغام میں کہا کہ کرونا کے باعث معاشرتی دوری اختیار کرنا، گھر میں رہنا، کسی سے نہیں ملنا، اس سب کے بعد ایسا محسوس ہورہا ہے کہ جیسے ہم ایک جگہ پر پھنس کر رہ گئے ہیں۔

صنم سعید نے کہا کہ لاک ڈاؤن کے دوران کچھ دن تیزی سے گزر رہے ہیں، کوئی دن آہستہ گزرتا ہے، کوئی دن مصروفیت میں گزر جاتا ہے اور کوئی دن ایسا بھی ہوتا ہے جو بڑی مشکل سے گزرتا ہے۔

انہوں نے کہا کہ لیکن اس مشکل گھڑی میں کسی ایک شخص کا یہ حال نہیں ہے بلکہ ہم سب ہی اس میں شامل ہیں۔

علاوہ ازیں صنم سعید نے انسٹاگرام پر اپنی کچھ سہیلیوں کی یادگار تصاویر شیئر کیں اور لکھا کہ ’میں آپ سب کو بہت یاد کرتی ہوں، ہماری دوستی ہمیشہ اسی طرح سلامت رہے۔‘

واضح رہے کہ لاک ڈاؤن میں نرمی اور عوام کے غیر محتاط رویے کے باعث ملک میں کرونا کیسز کی تعداد اور اموات میں اضافہ ہورہا ہے۔

Comments

یہ بھی پڑھیں