The news is by your side.

Advertisement

سابق اسپیکر قومی اسمبلی نے ایوان سے بڑا مطالبہ کردیا

اسلام آباد: سابق اسپیکر قومی اسمبلی فہمیدہ مرزا نے ایوان سے الیکٹورل ،جوڈیشل ،پولیس ،ایف بی آر سمیت دیگر اہم اداروں میں ریفارمز کرنے کا مشورہ دے دیا ہے۔

تفصیلات کے مطابق قومی اسمبلی اجلاس میں وزیراعظم عمران خان کی جانب سے اعتماد کا ووٹ حاصل کرنے کے بعد ایوان میں اظہار خیال کرتے ہوئے جی ڈی اے رہنما فہمیدہ مرزا نے کہا کہ سب سے پہلے زیادہ ووٹ لینے پر وزیراعظم کو مبارکباد دیتی ہوں۔

فہمیدہ مرزا نے کہا کہ اتحادی کسی بھی حکومت کی بہت بڑی طاقت ہوتےہیں، جب بھی جمہوریت کی بات آئےگی تو اتحادیوں کو ساتھ پائیں گے۔

قومی اسمبلی میں اظہار خیال کرتے ہوئے فہمیدہ مرزا نے سوالات اٹھائے کہ یہ نوبت کیوں پیش آئی کہ وزیراعظم نے اعتماد کا ووٹ لیا، جبکہ وزیراعظم کو اسکی ضرورت نہیں تھی اگرکوئی میکنزم بنایاجاتا تو شاید یہ نوبت نہ آتی۔

یہ بھی پڑھیں:  تاریخ رقم: وزیراعظم عمران خان قومی اسمبلی سے اعتماد کا ووٹ حاصل کرنے میں کامیاب

جی ڈی اے رہنما کا کہنا تھا کہ میری خواہش تھی کہ یہ فیئرالیکشن کی ترمیم پارلیمنٹ سے منظورہوتی،پارلیمنٹ اپنے ذاتی مفاد کیلئے نہیں عوام کیلئے استعمال ہونی چاہیے، افسوس سے کہناپڑتا ہے کہ یہ ایوان پہلے جیسا نہیں رہا،اسپیکر کی نشست کا گھیراؤ کیا گیا ہم کیا پیغام دیناچاہتےہیں۔

فہمیدہ مرزا نے مزید کہا کہ عوام کا اعتماد پارلیمنٹ سے ختم ہوگا ہم سب اسکے مجرم ہیں، میں آج اس ایوان سے مطالبہ کرتی ہوں کہ فوری طور الیکٹورل ،جوڈیشل ،پولیس ،ایف بی آر میں ریفارمز کی جائے۔

Comments

یہ بھی پڑھیں